ӨНӨӨДӨР: Казахстан Улсын Ерөнхийлөгч К.Токаев Монгол Улсад айлчилна

Өнөөдөр буюу 2024 оны 10 дугаар сарын 28-ны Даваа /Саран/ гарагт болох зарим үйл явдлыг тоймлон танилцуулж байна.

Монгол Улсын Ерөнхийлөгч У.Хүрэлсүхийн урилгаар Бүгд Найрамдах Казахстан Улсын Ерөнхийлөгч К.Токаев Монгол Улсад төрийн айлчлал хийнэ.

09:00 цагт МҮХАҮТ-д: Монгол-Казахстаны Ажил хэргийн зөвлөлийн хурал, бизнес уулзалт болно. Утас: 8810-7869.

09:00 цагт “Шангри-Ла” зочид буудалд: “Монголын орон сууцны ирээдүй-2024” олон улсын форумыг Хот байгуулалт, барилга, орон сууцжуулалтын яам, Дэлхийн банк, Гэр бүл, хөдөлмөр, нийгмийн хамгааллын яам хамтран зохион байгуулна. Утас: 8001-6611, 9901-0985.

09:30 цагт МУИС-ийн Багш, оюутны хөгжлийн төвд: Говийн зэрлэг амьтад хавтгай, мазаалай, тахь, хулан, монгол бөхөн, хар сүүлтийн амьдрах орчны талаар эрдэмтэн судлаачид танилцуулна.

10:00 цагт: “Холидэй Инн” зочид буудалд: Монгол Улсад статистикийн байгууллага үүсэж, хөгжсөний 100 жилийн ойн “Нээлттэй хаалганы өдөрлөг” болно. Утас: 8801-4109.

11.00 цагт ЭМЯ-нд: Тархины харвалтын Дэлхийн өдрийн талаар мэдээлнэ. Утас:8911-9482, 9612-1060, 9110-8333.

11.00 цагт МУБИС-д: Боловсролын салбарын цахим танхимын “Albus” төслийг танилцуулна. Утас: 8975-5575.

-Дүрслэх урлагийн музейд: Н.К.Рерихийн 150 жилийн ойд зориулсан олон улсын эрдэм шинжилгээний хурал, “Монгол марк дахь Оросын сэдэв”, “Н.Рерих-гадаад орны марканд” үзэсгэлэнгийн нээлт болно. Утас:9909-5372.

11:40 цагт "Интерном" дэлгүүрт: УГЗ, хөгжмийн зохиолч Б. Магсаржав, МЗЭ-ийн шагналт, яруу найрагч Ж.Ганчимэг нарын “Нар хасын дуун” номын нээлттэй.

ХААН галерейд: Монголын нэрт сюрреалист уран бүтээлч, Соёлын гавьяат зүтгэлтэн Ц.Энхжаргал болон түүний шавь У.Батцоож нарын хамтарсан “Завсрын ертөнц” үзэсгэлэн гарч байна.

Спортын төв ордонд: Монголын Жүдо бөхийн холбооноос жүдочдод дотоодын чансаа олгох тэмцээнтэй.

-Завхан аймгийн төв Улиастайй хотод: Монгол Улсын Ерөнхий сайд, Жалханз хутагт Ц.Дамдинбазарын мэндэлсний 150 жил, Улиастайн сайд, Дилов хутагт Б.Жамсранжавын мэндэлсний 140 жилийн ойд зориулсан "ХОЁР ИХ ХУТАГТ-II" эрдэм шинжилгээний хурал болно.

-Ховд аймагт: “Монголын Хүүхдийн Ардын урлагийн төв сан”-гаас 18-аас дээш насны иргэдийн дунд “Ардын Аялгуу” урлагийн их наадам зохион байгуулна.

-Дундговь, Баян-Өлгий аймгийн ИТХ-ын анхдугаар хуралдаан болно.