Өнөөдөр: Ерөнхийлөгч У.Хүрэлсүх Уур амьсгалын өөрчлөлтийн асуудлаарх дээд түвшний уулзалтад оролцож байна

Өнөөдөр буюу 2024 оны 11 дүгээр сарын 12-ны Мягмар /Өлзийт/ гарагт болох зарим үйл явдлыг тоймлон танилцуулж байна.

Монгол Улсын Ерөнхийлөгч У.Хүрэлсүх Бүгд Найрамдах Азербайжан Улсын Ерөнхийлөгч Ильхам Алиевийн урилгаар энэ сарын 12-13-нд Баку хотноо болж буй Уур амьсгалын өөрчлөлтийн асуудлаарх дэлхийн удирдагчдын дээд түвшний уулзалтад оролцож байна.

10:00 цагт Сэтгэцийн эрүүл мэндийн үндэсний төвд: УИХ-ын гишүүн, Нийгмийн бодлогын байнгын хорооны дарга Л.Энхнасан, Байнгын хорооны гишүүдийн хамтаар ажиллана.

10:00 цагт Үндсэн хуулийн цэцийн гадна талбайд: Импортоор оруулж ирж буй машинд Улаанбаатарын серитэй улсын дугаар олгохгүй байгаа талаар Үндсэн хуулийн цэцэд хандаж, мэдээлэл хийнэ. Утас: 88770147

11:30 цагт “Зууны мэдээ” сонины мэдээллийн төвд: Сонсголын бэрхшээлтэй хүүхдүүдийн бие даан амьдрах, сурч боловсрох, хөгжих боломжийг бүрдүүлэх, хүүхэд бүрийг тэгш эрхээр хангах талаар Сонсголын бэрхшээлтэй хүүхдүүдийн Эцэг эхчүүдийн нэгдсэн группээс хэвлэлийн хурал хийнэ.

12:00 цагт Зууны мэдээ сонины мэдээллийн төвд: Шинэ намаас УИХ, Засгийн газрын зарим үйл ажиллагаатай холбогдуулан байр сууриа илэрхийлнэ. Утас: 8012-7733

Өнөөдөр МҮХАҮТ-ын Их танхимд: МҮХАҮТ, Монголын оюуны өмч хамгаалах холбоо ГҮТББ хамтран "Зохиогчийн эрх ба цахим орчны хамгаалалт" хэлэлцүүлгийг зохион байгуулна. Утас: 88107869