Өнөөдөр: “Өгөгдлийн интеграци: ХУР & ДАН шийдэл“ уулзалт зохион байгуулна

Өнөөдөр буюу 2024 оны 11 дүгээр сарын 22-ны Баасан /Гэгээн/ гарагт болох зарим үйл явдлыг тоймлон танилцуулж байна.

9:00-13:00 цагт Encanto tower-ийн Prime Cineplex зааланд: ЦХИХХЯ, Монголын Үндэсний дата төв, Е-Монголиа хамтран "Өгөгдлийн интеграци: ХУР & ДАН шийдэл" төр хувийн хэвшлийн уулзалт зохион байгуулна. Утас: 86021029, 88661558

11:00 цагт ХӨСҮТ-ийн Захиргааны хэвлэлийн өрөөнд: Томуу, томуу төст өвчний нөхцөл байдал, урьдчилан сэргийлэх тухай мэдээлэл өгнө.

11:30 цагт “Зууны мэдээ” сонины үндэсний мэдээллийн төвд: Монголын сонгодог Дартсын холбооны тамирчид Ази номхон далайн бүсийн аварга шалгаруулах тэмцээнээс Монголд анх удаа цом, алтан медаль авсан тухай шигшээ багийн тамирчид мэдээлэл хийнэ. Утас: 99790206, 80190070

13:30 цагт ХЗДХЯ-ны байранд: Жендерт суурилсан хүчирхийлэлтэй тэмцэх 16 хоногийн аяны нээлт болно.

14:00 цагт ГХЯ-ны “Зөвшилцөл” танхимд: ГХЯ, АНУ, БНСУ-ын ЭСЯ хамтран зохион байгуулж буй “Хариуцлагатай аялцгаая”-II мэдээлэл сурталчилгааны аян болно.

15:00 цагт: Цахим хичээлээр БНСУ-д бүрэн дунд, дээд боловсрол эзэмших боломжийн талаар Korea University-ийн Биологи, биоанагаах инженерийн чиглэлээр суралцдаг 3 дугаар дамжааны оюутан Ц.Цолмон мэдээлэл өгнө.

Новотел зочид буудалд: Сэргээгдэх эрчим хүч үйлдвэрлэгчдийн холбооноос жил бүр зохион байгуулдаг олон улсын шинэ эрчим хүчний чуулганыг "Just Transition"сэдвээр зохион байгуулна.

Сэлэнгэ аймгийн Сүхбаатар хотод: "Монголын таримал мөөгний нэмүү өртгийн сүлжээ" ТББ-аас "Хүнсний мөөг тариалах технологи-1" сургалтыг энэ сарын 22-23-нд зохион байгуулна.

Дундговь аймгийн Биеийн тамир спортын газрын зааланд: Улс тунхаглаж, анхдугаар Үндсэн хууль баталсны 100 жилийн ойд зориулсан улс, аймгийн алдар цолтой бөхчүүдийн барилдааныг энэ сарын 25-нд зохион байгуулна.