.png){kind=logo}
Монгол Улсын нийслэл Улаанбаатар хот үүсэн байгуулагдсаны 385 жилийн ой сарын өмнө буюу 2024 оны 10 дугаар сарын 29-ний өдөр тохиосон билээ.
Харин Улаанбаатар хотыг 20 дугаар зуунд орчин цагийн шинэ хот болгох хөгжлийн гарааг эхлүүлсэн анхны хот төлөвлөлтийн болон мэргэжлийн зураг төслийн байгууллага одоогоос нэгэн жарны өмнө байгуулагдсан түүхтэй.
Энэхүү байгууллага нь өнөө цагийн Хот төлөвлөлт, судалгааны институт /ХТСИ/ бөгөөд өнгөрсөн 60 жилд тус байгууллагын өөрчлөгдөн шинэчлэгдэж ирсэн бүтэц зохион байгуулалтын түүхийг товч сонирхуулж байна.
1964-1967
Барилгын засвар үйлчилгээ, шугам сүлжээний төсвийн групп
1968-1974
Зураг төслийн товчоо
1975-1977
Барилга архитектурын газар
1978-1990
Архитектур төлөвлөлтийн газартай нэгдсэн
1991-1996
Улаанбаатар хотын зураг төслийн товчоо
1997-1998
Улаанбаатар хотын зураг төслийн компани
1998-2000
Хот байгуулалтын хүрээлэн
2001-2009
Хот төлөвлөлт, эрдэм шинжилгээ, зураг төслийн хүрээлэн
2009-2010
Барилга хот байгуулалтын газартай нэгдсэн
2010-2019
Нийслэлийн зураг төслийн хүрээлэн
2020 оноос
Хот төлөвлөлт, судалгааны институт
Нийслэлийн Хот төлөвлөлт, судалгааны институт /ОНӨААТҮГ/-ийн түүхт 60 жилийн ойг 2024 оны 11 дүгээр сарын 21-22-ны өдрүүдэд өргөн дэлгэр тэмдэглэж, өнөөгийн болон ирээдүйн хөгжлийн бодлого, зорилтоо тодотгсон билээ.
Өнөөдөр ХТСИ нь “Нийслэлийн иргэдийн амьдрах таатай орчин бүрдсэн хотыг цогцлоох хот байгуулалтын баримт бичгийг судалгаа, шинжилгээний үндсэн дээр чанартай боловсруулдаг үндсэн байгууллага болох” алсын харааг эрхэмлэн ажиллаж байгаа мэргэшсэн хамт олныг бүрдүүлсэн гэдгээрээ онцлогтой.
Монгол Улсынхаа нийслэл Улаанбаатар хотыг олон улсын жишигт нийцсэн хот суурин болгохын төлөө тодорхой төлөвлөж, урьдчилан тооцож, зураг төслийг нь боловруулах үүрэг хүлээж ирсэн ХТСИ нь түүх, соёл иргэншлийн уламжлал, бүсчилсэн хөгжлийн бодлого, хүрээлэн буй орчныг хамгаалах шаардлагад нийцүүлэн нийслэлийн хүн амын эрүүл, аюулгүй амьдрах тааламжтай орон зайн орчныг бүрдүүлэх үндсэн зорилготой ажиллаж байгаа байгууллага юм.
Тухайлбал, хот төлөвлөлтийн суурь судалгаа хийх, бүс нутаг, хот, тосгоны хөгжлийн төлөвлөлтийн зураг, төсөл боловсруулах чиг үүргийг хэрэгжүүлж Хотын удирдлага, хот байгуулалтын салбарын байгууллагууд, иргэд, аж ахуйн нэгж байгууллагыг олон улсын жишигт нийцсэн хот төлөвлөлтийн эрдэм, шинжилгээ, судалгааны ажил, зураг төслөөр хангахад энэ хамт олны эрхэм зорилго нь юм байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!