.png){kind=logo}
Иргэний болон харуул хамгаалалтын зориулалттай галт зэвсэг, сум, галт зэвсэгтэй адилтгах хэрэгсэл импортлох, нийтэд худалдах /борлуулагч/ хуулийн этгээдийн сонгон шалгаруулалтыг нээлттэй зарлаж байна.
Борлуулагч хуулийн этгээд нь Хууль зүйн сайдын 2015 оны 10 сарын 26-ны өдрийн А/245 тоот тушаалын 1 дүгээр хавсралтаар баталсан “Иргэний болон харуул хамгаалалтын зориулалттай галт зэвсэг, сум, галт зэвсэгтэй адилтгах хэрэгслийг импортлох, нийтэд худалдах тусгай зөвшөөрөл олгох сонгон шалгаруулалтын журам”-ыг хангасан байна.
Эдгээр тушаалыг mojha.gov.mn болон legalinfo.mn сайтаас татан авч дэлгэрэнгүй танилцана уу.
Энэхүү үйл ажиллагаа эрхлэх хуулийн этгээд нь дараах нийтлэг болон тусгай шаардлагыг хангасан байх бөгөөд нотлох баримт бичгийг хавсарган ирүүлнэ.
|
Тавигдах шаардлага, бүрдүүлэх материал |
Галт зэвсэг, сум, галт зэвсэгтэй адилтгах хэрэгсэл импортлох, нийтэд худалдах хуулийн этгээд /борлуулагч/ |
|
Нийтлэг шаардлага |
1.галт зэвсэг, сум, галт зэвсэгтэй адилтгах хэрэгсэл хадгалах аюулгүй байдлын зохих шаардлага хангасан өөрийн өмчлөлийн агуулахтай байх; 2.галт зэвсэг, сум, галт зэвсэгтэй адилтгах хэрэгсэл тээвэрлэх тусгайлан тоноглосон буюу бүхээгтэй, цоожтой, аюултай ачааны таних тэмдэгтэй тээврийн хэрэгсэлтэй байх; 3.гадаадын хөрөнгө оруулалтгүй байх; 4.гэмт хэрэгт холбогдож байгаагүй байх; 5.хугацаа хэтэрсэн зээлийн өрийн үлдэгдэлгүй, гааль, татвар, нийгмийн даатгалын байгууллагад болон шүүхийн шийдвэрийн дагуу иргэн, хуулийн этгээдэд төлөх өр төлбөргүй байх; 6.хуулийн этгээдийн үүсгэн байгуулагч болон гүйцэтгэх удирдлага нь ял шийтгүүлж байгаагүй; 7.галт зэвсэг, сум, галт зэвсэгтэй адилтгах хэрэгсэлтэй харьцаж ажиллах ажилтнууд нь Галт зэвсгийн тухай хуулийн 9.1-д заасан насанд хүрсэн, сургалтад хамрагдаж гэрчилгээ авсан, ял шийтгүүлж байгаагүй Монгол Улсын иргэн байх; |
|
Тусгай шаардлага |
8.экспортлогч талтай байгуулсан гэрээ, хэлцэл, зөвшөөрөлтэй байх; 9.буудлагын спорт-сургалтын үйл ажиллагаа эрхэлдэггүй байх. |
|
Бүрдүүлэх баримт бичиг |
1.хуулийн этгээдийн улсын бүртгэлийн гэрчилгээ, дүрмийн нотариатаар гэрчлүүлсэн хуулбар; 2.хуулийн этгээдийн үүсгэн байгуулсанаас хойш явуулж буй үйл ажиллагааны болон үүсгэн байгуулагч, гүйцэтгэх удирдлагын талаар дэлгэрэнгүй танилцуулга; 3.банк, татвар, гааль, нийгмийн даатгал, шүүхийн шийдвэр гүйцэтгэх байгууллагын лавлагаа, тодорхойлолт; 4.эрх бүхий аудитын байгууллагаар баталгаажсан сүүлийн хоёр жилийн 5.агуулахтайг нотлох баримт бичгийн хуулбар, агуулахын байршил, дотоод зохион байгуулалтын схем, талбайн хэмжээ, зураг, галт зэвсэг, сум, галт зэвсэгтэй адилтгах хэрэгсэл хадгалах шүүгээ /сав/, тавиурны нарийвчилсан зураг, танилцуулга; 6.тээврийн хэрэгслийн гэрчилгээний хуулбар, зураг; 7.харуул хамгаалалтын үйл ажиллагаа эрхлэх тусгай зөвшөөрөлтэй хуулийн этгээдтэй байгуулсан гэрээ; |
|
8.улсын хилээр оруулах, нийтэд худалдах галт зэвсэг, сум, галт зэвсэгтэй адилтгах хэрэгслийн нэр, төрөл, марк, техникийн болон бусад үзүүлэлтийг заасан албан бичиг; 9. экспортлогч талтай байгуулсан гэрээ, хэлцэл, зөвшөөрөл эх хувиараа, экспортлогч байгууллага, аж ахуйн нэгжийн дэлгэрэнгүй танилцуулга; |
Анхааруулга: Галт зэвсэг, сум, галт зэвсэгтэй адилтгах хэрэгсэл импортлох, нийтэд худалдах /борлуулагч/ болон галт зэвсэг, сум, галт зэвсэгтэй адилтгах хэрэгсэл худалдах төв ажиллуулах эрхийг нэг хуулийн этгээдэд хамтад нь олгохгүй.
Тогтоосон хугацаанаас хожимдсон эсхүл дутуу бүрдүүлсэн материалыг хүлээн авахгүйг анхаарна уу.
Сонгон шалгаруулалтад оролцох хуулийн этгээдийн материалыг 2025 оны 03 дугаар сарын 26-ний өдрийн 17.30 цаг хүртэл Хууль зүйн яамны 508 тоотод хүлээн авна. Сонгон шалгаруулалтад оролцогч нь бүрдүүлсэн материалаа товъёглож, хуудас бүрийг дугаарласан байх бөгөөд эх хувиас гадна 6 хувь хуулбарлан ирүүлнэ.
Дэлгэрэнгүй мэдээллийг 51-261397 дугаарын утсаар авна уу.
Хаяг: Улаанбаатар, Хууль зүй, дотоод хэргийн яам
СОНГОН ШАЛГАРУУЛАХ КОМИСС
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!