Үндэсний эрсдэлийн үнэлгээний тайлангийн хэлэлцүүлэг болно

Өнөөдөр буюу 2025 оны 11 дүгээр сарын 4-ний Мягмар /Өлзийт/ гарагт болох зарим үйл явдлыг тоймлон танилцуулж байна.

09:00 цагт Улаанбаатар галлерейн Өргөө танхимд: Мөнгө угаах, терроризмыг санхүүжүүлэхтэй тэмцэх Үндэсний эрсдэлийн үнэлгээний тайлангийн хэлэлцүүлэг болно.

09:30 цагт Улаанбаатар дахь НҮБ-ын байранд: Далайд гарцгүй хөгжиж буй улс орнуудын 2024-2034 оны Авазагийн үйл ажиллагааны хөтөлбөрийг хэрэгжүүлэх зөвлөгөөн болно.

10:00 цагт ХЭҮК-ын хурлын танхимд: “Хүний эрх ба хүндээ ээлтэй хот” сэтгүүл зүйн сайн бүтээлийн уралдаан-2025 болно.

11:00 цаг "Зууны мэдээ" сонины Үндэсний мэдээллийн төвд: Хохирсон иргэд - “Христийн шашны байгууллагын анхаарал татах үйл ажиллагааны талаар олон нийтэд мэдээлэл хүргэх нь” сэдвээр хэвлэлийн хурал хийнэ.

Төрийн ордонд: УИХ-ын Байнгын хороодын хуралдаан болно.

"HUE" арт галерейд: Монгол, Германы уран бүтээлчдийн хамтарсан "Анагаагч эх дэлхий" олон улсын үзэсгэлэн энэ сарын 30-ныг хүртэл гарч байна.

Төрийн шагналт, Урлагийн гавьяат зүтгэлтэн, Ардын зураач Г.Одонгийн мэндэлсний 100 жилийн ойд зориулсан “Ажлын дараа” үзэсгэлэн энэ сарын 10-ныг хүртэл гарна.

-ЮНЕСКО-гийн IAC Олон улсын уран бүтээлчдийн гишүүн Н.Сүхбүрэнгийн “Нэгэн цул” үзэсгэлэн гарч байна.

-2025 оны Өвлийн элсэлтийн шалгалтын бүртгэл 11 дүгээр сарын 14-нд хаана.

-Сэтгүүл зүйн бүтээлийн шүүмжийн уралдааны бүтээлийг 12 дугаар сарын 5-ныг хүртэл цахимаар хүлээн авна.

Өмнөговь аймагт: “Монголын нэг өдөр” нүүдлийн үзэсгэлэнг Говийн байгаль, түүхийн музейд толилуулж байна.

Өмнөговийн Хөгжимт драмын театрт: “Говь арт” дүрслэх урлагийн үзэсгэлэнг нээнэ..

Ховд аймагт: Түүх, соёлын хөдлөх дурсгалт зүйлийн улсын тооллого 11 дүгээр сарын 20-ныг хүртэл үргэлжилнэ.

Истанбул хотноо: “Хилийн чанад дахь Монгол оюутан, залуучуудын чуулга уулзалт”-ыг 5 дахь удаагаа зохион байгуулна.

Португал улсын Ерисейра хотын Жейми Лобо ба Силвагийн нэрэмжит Соёлын төвд: Зураач Г.Наранцацралын “Хувирал” үзэсгэлэн 11 дүгээр сарын 16-ныг хүртэл гарна.

Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.