.png){kind=logo}
ШАНХАЙ, 2026 оны наймдугаар сарын 20 /СИНХУА/. Робот үйлдвэрлэдэг Хятадын Unitree Robotics компанийн хувьцааны ханш Шанхайн хөрөнгийн биржийн STAR Market талбарт болсон арилжааны эхний өдөр 629.44 хувиар огцом өссөн бөгөөд арилжаа хаагдах үед 460 хувийн өсөлттэй байв.
Арилжаа эхлэх үед хувьцааны ханш 1100 юаньд /$161,99/ хүрснээр IPO хийж буй тус компани 790 сая орчим еврог татан төвлөрүүлж, арилжаа дуусах үед зах зээлийн үнэлгээ нь 44 тэрбум еврод хүрсэн байна.
Unitree Robotics бол хүн дүрст робот үйлдвэрлэлээр Хятад улсад тэргүүлдэг компаниудын нэг бөгөөд тус компанид үйлдвэрлэсэн роботуудыг үйлдвэр, агуулахад өргөнөөр ашиглах боломжтой гэж хөрөнгө оруулагчид үзэж байгаа юм.
Өнгөрсөн онд тус компани 5 мянга гаруй хүн дүрст робот үйлдвэрлэсний ихэнх нь судалгаа шинжилгээ, үзүүлэнгийн зорилгоор ашиглагдаж байна. Хүн дүрст роботуудыг аж үйлдвэрийн салбарт өргөнөөр ашиглах цаг үе удахгүй ирнэ гэж Хятадын компаниуд тооцож байгаа бол Европын компаниуд ч мөн адил зах зээлд байр сууриа бэхжүүлэхээр оролдож байна. Тухайлбал, Германы NEURA Robotics компани зургаадугаар сард Amazon, Nvidia, Bosch, Schaeffler зэрэг томоохон хөрөнгө оруулагчдаас 1.2 тэрбум еврог татан төвлөрүүлсэн бөгөөд 2030 он гэхэд олон сая робот үйлдвэрлэхээр төлөвлөжээ. Мөн Мюнхен хотын Agile Robots компани Agile ONE гэдэг хүн дүрст робот үйлдвэрлэж байна. Гэхдээ Хятадын компаниуд үйлдвэрлэлийн цар хүрээгээр дэлхийд тэргүүлж байгаа юм.
Өмнө нь мэдээлснээр, энэ сарын 22-26-ны өдрүүдэд Бээжин хотноо хүн дүрст роботуудын дэлхийн II спортын наадам болно.
Эх сурвалж: МОНЦАМЭ Агентлаг Б.Адъяахүү
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!