"Build Mongolia" буюу "Бүтээн байгуулалт 2023" улс орны эдийн засгийн хөгжилд хамгийн чухал үүрэгтэй бүтээн байгуулалтын салбаруудыг нэгэн дээвэр дор багтаасан техник, технологийн үзэсгэлэн 2023 оны дөрөвдүгээр сарын 19-21-ний өдрүүдэд "Степпе Арена" мөсөн өргөөд болно.

Монголын BAUMA буюу "Build Mongolia 2023" үзэсгэлэнд салбар салбарын 100 гаруй шилдэг компани бүтээгдэхүүн, үйлчилгээгээ танилцуулна. Мөн үзэсгэлэнгийн үеэр арваад орны шилдэг байгууллагууд өөрийн бүтээгдэхүүн үйлчилгээ, дэвшилтэт техник, технологийг сурталчилан таниулна.

Тухайлбал, ОХУ-аас "Alternativa" LLC , "Magna Tyres Singapore Pte" Ltd, "Amperetex", БНХАУ-аас "Zhengzhou Vanguard Machinery Tech" Co.,Ltd, "Jiangsu Kingertai New Material Technology" Co., Ltd зэрэг компаниуд оролцож байна.

Түүнчлэн Их Британи, Умард Ирландын Нэгдсэн Хаант Улсаас Монгол Улсад суугаа Элчин сайдын яам, Бүгд Найрамдах Польш Улсаас Монгол Улсад суугаа Элчин сайдын яамдаар дамжин салбарын шилдэг олон улсын байгууллагууд "Build Mongolia 2023" үзэсгэлэнгийн үеэр бүтээгдэхүүн үйлчилгээгээ танилцуулах юм байна.

"Build Mongolia" хэдийгээр 3 дахь удаагаа зохион байгуулагдаж байгаа ч энэ удаад барилга, дэд бүтэц, тэр дундаа эрчим хүч, зам тээвэр, уул уурхай, хүнд үйлдвэр гэсэн бүтээн байгуулалтын үндсэн салбаруудын хамарсан томоохон үзэсгэлэн болж өргөжсөн байна. Эдийн засгийн эдгээр салбарын үйл ажиллагаа өөр хоорондоо салахын аргагүй харилцан уялдаатай бөгөөд бүтээн байгуулалтын төслүүд нь тус салбаруудын бие биенээ нөхсөн хамтын ажиллагааны үр дүнд хэрэгждэг билээ.

Энэ салбаруудын ажилд хэрэглэх тоног төхөөрөмж, техник технологи, машин механизм ч ижил, нэг салбарын бүтээгдэхүүн нь нөгөө салбарынхаа түүхий эд, үйлдвэрлэлийн чухал орц болдог. Тийм ч учраас "Build Mongolia" үзэсгэлэн бол бүтээн байгуулалтын салбаруудын хувьд, техник технологийн нэг цонхны үйлчилгээ, үзэсгэлэнд оролцогчдын хувьд зах зээлийн нэг цэгийн төвлөрөл болох юм байна.

Үзэсгэлэнд оролцож буй салбарын шилдэг төлөөллүүдээс дурдвал барилга, бүтээн байгуулалтын салбараас Teso group, Ulaanbaatar buk JSC, "Nutgiin buyan group" LLC, New Yarmag housing project LLC зэрэг компаниуд төслөө танилцуулан оролцоно. Мөн уул уурхайн салбарт үйл ажиллагаа явуулдаг Solongo-exim LLC, Ukhaa sar LLC, Minespec LLC, Minetech technology LLC зэрэг байгууллагууд оролцохоор бүртгүүлээд байна.

Үүний зэрэгцээ эрчим хүч болон тээвэр, дэд бүтцийн салбараас And energy JSC, Topica LLC, MIAT Mongolica media, International freight forwarding center of Ulaanbaatar railways, Big mogul trans LLC зэрэг шилдэг байгууллагууд үзэсгэлэнгийн үеэр бүтээгдэхүүн, үйлчилгээгээ танилцуулах юм.

"Build Mongolia 2023" үзэсгэлэн Монгол Улсын эдийн засгийн чухал салбаруудад дэлхийн шилдэг техник, технологи нэвтрүүлэх, бизнесийн байгууллагуудын олон талт хамтын ажиллагааны гүүр болохын зэрэгцээ эдгээр салбарын мэргэжилтүүд бусадтай танилцах, харилцан мэдээлэл, туршлага солилцох, хөгжил дэвшлийн чиг хандлагын талаар мэдээлэл авах орчин бүрэлдэх юм.

Үзэсгэлэнгийн үеэр оролцогчид, үзэсгэлэнг зорин ирэх зочдод зориулан барилга, уул уурхай, эрчим хүч, зам тээврийн салбарын технологийн хөгжлийн чиг хандлага, төрийн бодлогын талаар мэдээлэл өгөх зорилгоор салбар тус бүрдээ форум зохион байгуулна. Мөн оролцогч компаниудын бүтээгдэхүүний танилцуулга илтгэл тавигдана.

"Build Mongolia 2023" үзэсгэлэнгийн алтан ивээн тэтгэгч байгууллагаар "МСМ групп" ХХК ажиллаж байгаа бол үзэсгэлэнгийн түнш орноор Их Британи, Умард Ирландын Нэгдсэн Хаант Улсаас Монгол Улсад суугаа Элчин сайдын яам хамтран ажиллаж байна.

Харин мэдээллийн ивээн тэтгэгчээр "The Mongolian Mining Journal", "Bloomberg" телевиз, Aвстралийн бизнес эрхлэгчдийн Монгол дахь төв байгууллага, Герман-Монголын бизнес эрхлэгчдийн холбоо, Сэргээгдэх эрчим хүч үйлдвэрлэгчдийн холбоо, Зангиа.мн, Бизнес.мн тус тус хамтран ажиллаж байгаа бол дэмжигч байгууллагаар Барилга, хот байгуулалтын яам, Зам, тээврийн хөгжлийн яам, Эрчим хүчний яам, Уул уурхай, хүнд үйлдвэрийн яам тус тус хамтран ажиллаж байна.

Үзэсгэлэн гурван өдрийн туршид барилга, бүтээн байгуулалтын салбарын нэгдсэн форумыг төвийн шугамд холбогдоогүй айл өрх, албан байгууллагын инженерингийн шийдэл болох ХАС, УХАТ чиглэлээр салбартаа анхдагч бөгөөд тэргүүлэгч байгууллага болох "Атмор" ХХК хамтран зохион байгуулж байна. Үүний зэрэгцээ бүтээн байгуулалтын салбарт үйл ажиллагаа явуулж байгаа байгууллага бүрийн төлөөлөл олон мянган инженер, барилгачин, замчин, цахилгаанчин, уурхайчин, архитектор, менежер, бизнес эрхлэгч, төсөл хэрэгжүүлэгч, хөгжүүлэгч, үйлдвэрлэгч, худалдаа эрхлэгч зочлон ирэхээр бүртгүүлсэн.

"Build Mongolia 2023" Олон улсын барилга, дэд бүтэц, уул уурхайн техник технологийн үзэсгэлэнд та бүхнийг хүрэлцэн ирэхийг урьж байна! Монгол орноо хамтдаа бүтээн байгуулцгаая! Дэлгэрэнгүй мэдээллийг 80881187 утсаар авах боломжтой юм.