.png){kind=logo}
Боксын 2023 оны насанд хүрэгчдийн Монгол Улсын аварга шалгаруулах тэмцээн Спортын төв ордны "А" зааланд мягмар гарагт /2023.02.07/ эхэлж, шилдэг тулаанчид аваргын өрсөлдөж байна.
Монголын боксын ХХ зууны манлай дасгалжуулагч, Монгол Улсын Гавьяат дасгалжуулагч Вандуйн Батбаяр агсны нэрэмжит энэ удаагийн УАШТ-д 184 тамирчин эрэгтэйчүүдийн 13, эмэгтэйчүүдийн 10 жинд хурд, хүч, ур чадвараа сорьж байна. Бямба, ням гарагт /2023.02.11,12/ энэ жилийн улсын шилдэг боксчид тодорч тэмцээн дуусах юм.
Монголын шилдэг боксчдыг 2023 оны 3 дугаар сард Энэтхэгийн Шинэ Делид болох эмэгтэйчүүдийн ДАШТ, 5 дугаар сард Узбекистан улсын Ташкент хотноо болох эрэгтэйчүүдийн ДАШТ, 9 дүгээр сард “Ханжоу-2022” Азийн 19 дүгээр наадам хүлээж байна.
