.png){kind=logo}
МҮБХ-ны Үндэсний "Pepsi Алтан цом"-ын төлөөх шигшээ барилдааны 2 дугаар тойргийн 2 дахь барилдаанд Архангай - Баян-Өлгий аймгууд учраа тааран өрсөлдсөнөөс Архангай аймгийн баг 19:6-аар илт давуу ялалт байгуулав.
Архангай аймгийн багт улсын гарди М.Бадарч /4/, улсын харцага Б.Зоригтбаатар /5/ улсын харцага О.Мөнх-Эрдэнэ /1/ гуравдугаар тойргоос сэлгээнд сууж, түүний оронд барилдсан улсын арслан Р.Пүрэвдагва /2/, аймгийн хурц арслан С.Сүхбат /4/, аймгийн арслан Э.Мөнхжаргал /3/ нийт 19 даваа авсан бол Баян-Өлгий аймгийн багт улсын начин Н.Мустафа /1/ аймгийн хурц арслан У.Береке /0/, аймгийн хурц арслан М.Еркебулан /2/ аймгийн арслан Э.Тамираа /0/, аймгийн заан Е.Көптилек /3/, тавдугаар тойргоос сэлгээнд сууж, түүний оронд барилдсан улсын начин Б.Баатарцол /0/ нийт 6 даваа авсан юм.
Ялсан баг шагналын 5 сая төгрөгөө гардан авлаа. Архангай аймгийн багийн дасгалжуулагчаар улсын гарди Д.Рагчаа, Баян-Өлгий аймгийн багийн дасгалжуулагчаар улсын начин Б.Баатарцол нар ажиллалаа.
Өнөөдөр орой 20.00 цагаас Завхан - Баянхонгор аймгуудын бөхчүүд халз барилдана.
МОНГОЛЫН ҮНДЭСНИЙ БӨХИЙН ХОЛБОО
