Шинэ арслантай Нагоя башё БАНЦҮКЭ

Японы сумо бөхийн холбооноос өнөөдөр ирэх сарын 9-нд эхлэх Нагоя башёгийн банцүкэг зарлалаа. Ёкозүна Тэрүнофүжи 12 башё дараалан зүүний магнайг тэргүүлж байна.

Үүнээс 11 тэмцээнд нь дараалан сумо бөхийн ертөнцийн ганц ёкозүна байгаа юм. Харин шинэ Озэки төрснөөр хоёр арслан Нагояд барилдах боллоо.

Озэки Такакэйшёо зүүн жигүүрт, Озэки Киришима Б.Лхагвасүрэн баруунд бичигдсэн байна. Монголоос төрсөн 6 дахь, гадаадын 12 дахь, Мичинокү дэвжээний анхны Озэки тэрээр Киришима хэмээх шинэ нэрээр анх удаагаа барилдах гэж байна.

Ирэх тэмцээний хамгийн сонирхол татсан зүйл бол гурван Сэкивакэ цолтон озэки цолны төлөө дайралт хийх гэж байгаа явдал юм. Сэкивакэ нарыг Хоошёорюү С.Бямбасүрэн тэргүүлж, зүүн талд заларсан байна. Баруун жигүүрт Дайэйшёо, Вакамотохарү нар байна. Гурвуулаа сүүлийн хоёр башёд нийт 21 ялсан тул 11-12 даваа авахад дахин шинэ арслан төрөх магадлал өндөр. Адилхан 21 даваатай гурван Сэкивакэ ийнхүү Озэки цолны төлөө нэгэн зэрэг өрсөлдөж байсан нь түүхэнд гарч байгаагүй ажээ. Зүүн Комүсүби Котоновака, баруун нь Аби.

Шинэ банцүкэд хамгийн олон бөхтэй нь 26 бөхтэй Такасаго, Коконоэ дэвжээнүүд байна. Тэдний араас 25 бөхтэй Садогатакэ, 24 бөхтэй Кисэ бичигджээ. Миторюү Б.Төрболдын Нишикидо дэвжээ хоёрхон бөхтэй байна. Ирүмагава дэвжээний Шиши буюу Сергей Соколовский Жюүрёод гарснаар Украин улсын анхны сэкитори боллоо.

НАГОЯ БАШЁ - БАНЦҮКЭ

Ёкозүна Тэрүнофүжи Г.Ган-Эрдэнэ

Такакэйшёо Озэки Киришима Б.Лхагвасүрэн

Хоошёорюү С.Бямбасүрэн Сэкивакэ Дайэйшёо

Сэкивакэ Вакамотохарү

Котоновака Комүсүби Аби

Нишикиги Маэгашира-1 Тобизарү

Шёодай М-2 Митакэүми

Мидорифүжи М-3 Мэйсэй

Асанояма М-4 Үра

Хирадоүми М-5 Ооношёо

Хокүсэйхо А.Даваанинж М-6 Оохо