.png){kind=logo}
Өнөөдөр буюу 2023 оны 10 дугаар сарын 19-ний Пүрэв /Бадрангуй/ гарагт болох зарим үйл явдлыг тоймлон танилцуулж байна.
09.00 цагт НҮБ-ын суурин төлөөлөгчийн байранд: “Тэрбум мод” үндэсний хөдөлгөөний хүрээнд мод тарих амлалт авсан байгууллагууд, мод үржүүлгийн ААН-үүдийн 100 гаруй төлөөллийн уулзалт болно. Утас: 8017-1854.
10.00 цагт “Блью Скай” зочид буудалд: “Монгол ногоо” төслийн хаалтын үйл ажиллагаа болж, хүнсний ногооны салбарын тогтвортой байдлыг хангах талаар хэлэлцэнэ. Утас. 9910-9723.
11.30 цагт “Зууны мэдээ” үндэсний мэдээллийн төвд: Төрийн захиалгаар нийгэм ахуйн барилга барьж буй компаниуд цалингийн тарифыг нэмэгдүүлэх талаар "Хөгжлийн төлөө барилгачдын нэгдэл" ТББ Засгийн газарт шаардлага хүргүүлнэ.
12.00 цагт “Зууны мэдээ” үндэсний мэдээллийн төвд:: Нийслэлийн Засаг даргын Тамгын газарт: Хан-Уул дүүргийн ИТХ-ын төлөөлөгч Б.Жагар ундны цэвэр усны шугамыг солих талаар 2024 оны төсөвт хөрөнгө суулгах, бохир зэвтэй ус ууж хохирч буй иргэдийн эрх ашгийг хамгаалах талаар хотын Засаг даргад хүргүүлнэ. Утас: 8809-6089.
Өнөөдөр орой БНХАУ-ын Ханжоу хотноо: "Ханжоу-2023" Азийн паралимпын наадмын нээлтийн ёслол болно.
“Монументаль” арт галлерейд: “Оюутны стратегийн өмгөөлөл ба нөлөөлөл-2023” хөтөлбөрийн хүрээнд “Хязгааргүй” гэрэл зургийн үзэсгэлэнг дэлгэжээ. Үзэсгэлэн 10-р сарын 21-нийг дуустал гарна.
