.png){kind=logo}
Улаанбаатар, 2023 оны 10 дугаар сарын 30 /МОНЦАМЭ/. -2023 оны 10 дугаар сарын 30-наас 11 дүгээр сарын 5-нд болох үйл явдлын тойм-
Улаанбаатарт:
10 дугаар сарын 30-нд: УИХ дахь МАН, АН-ын бүлгийн ээлжит хуралдаан Төрийн ордонд болно.
10 дугаар сарын 30-31-нд: Монгол Улсын Их Хурал, Европын Парламент хоорондын хамтын ажиллагааны 16 дугаар уулзалт болно.
10 дугаар сарын 31-нд: МҮХАҮТ, Чехийн Эдийн засгийн Танхимтай хамтран хоёр орны бизнес эрхлэгчдийн ээлжит форумыг зохион байгуулна.
10 дугаар сарын 31, 11 дүгээр сарын 1-нд: УИХ-ын Байнгын хороодын хуралдаан болно.
11 дүгээр сарын 1-нд: Засгийн газрын ээлжит хуралдаан болно.
11 дүгээр сарын 1-нд: Улсын филармонид Монгол, Тайванийн цохивор хөгжимчдийн “Найруулга-2022-2023” хамтарсан тоглолт болно. Уг тоглолт нь Тайванийн нэрт маримба артист, профессор, хөгжмийн ухааны доктор Вейчен Лин, "Тайпегийн иргэний симфони оркестр"- ын цохивор хөгжимчин Нэйтэн Пиацца нар уригдан хөгжимдөж буйгаа онцлог Монголын болон дэлхийн сонгодог хөгжмийн зохиолчдын бүтээлээс хамтран толилуулах юм.
11 дүгээр сарын 2, 3-нд: УИХ-ын чуулганы нэгдсэн хуралдаан хуралдана.
11 дүгээр сарын 2-5-нд: Хүүхэлдэйн театрт Улсын драмын эрдмийн театрын хамт олон В.Красногоровын “Би ч гэсэн жаргамаар байна” уянгын драмын жүжгийг тоглоно.
11 дүгээр сарын 3-4-нд: Kharkhorum Visual Art & Music Festival болно.
11 дүгээр сарын 3-5-нд: Мишээл Экспо төвд “HORECA-2023” Зочлох үйлчилгээний салбарынханд зориулсан үзэсгэлэн худалдаа гарна.
11 дүгээр сарын 5-нд: Улсын Дуурь Бүжгийн Эрдмийн Театрт нэрт хөгжмийн зохиолч Ж.Вердийн мэндэлсний 210 жилийн ойг тохиолдуулан алдарт “Аттила” дуурийг Монгол Улсад анх удаагаа концертын хэлбэрээр тоглоно.
Орон нутагт:
10 дугаар сарын 30-31-нд: Өвөрхангай аймгийн Хөгжимт драмын театрын уран бүтээлчид "Маргаашийн бооцоо" сэтгэл зүйн шоу драмыг үзэгчдэд өргөн барина.
10 дугаар сарын 31-нд: Дундговь аймагт "Дэлхийн хуримтлалын өдөр-2023" аяны хүрээнд "Хамтдаа хуримтлуулж ирээдүйгээ бүтээцгээе" уриатайгаар "Хуримтлалтай шатарчид" өсвөрийн шатарчдын тэмцээн болно.
10 дугаар сарын 31, 1-нд: Завхан аймгийн Улиастай хотод Сонгогчдын Боловсрол Төв, БНСУ-ын КОЙКА Олон улсын хамтын ажиллагааны байгууллага, НҮБ-ын Хөгжлийн хөтөлбөрөөс хамтран хэрэгжүүлж буй төслийн “Оролцоно, төлөөлнө” амлалтын өдөрлөг болно.
11 дүгээр сарын 3-нд: Баян-Өлгий аймгийн Засаг даргын Тамгын газраас ЗГХЭГ, Удирдлагын академи, Швейцарын хөгжлийн агентлаг, “Төвлөрлийг сааруулах бодлогын дэмжлэг төсөл”, “Нутгийн өөрөө удирдах байгууллагын чадавхыг бэхжүүлэх нь” төсөлтэй хамтран “Нутгийн удирдлагын байгууллагын албан хаагчдыг чадавхжуулах" сургалт зохион байгуулна.
11 дүгээр сарын 03-нд: Өмнөговь аймгийн Ханбогд суманд Говийн V ноён хутагт дулдуйтын Данзанравжаагийн мэндэлсний 220 жилийн ойд зориулсан “Дэмчогийн эгшиг” яруу найргийн наадам болно.
11 дүгээр сарын 4-нд: Архангай аймагт аймгийн түүхт 100 жилийн ой, утга зохиолын нэгдлийн 70 жилийн ойд зориулсан “Хангайн цом-2023” яруу найргийн наадам болно.
11 дүгээр сарын 5-нд: Баян-Өлгий аймгийн Хөгжимт драмын театрт Бүгд Найрамдах Казахстан Улсын Атырау мужийн Х.Ахмедьяровын нэрэмжит «НАРЫН» үндэсний хөгжмийн оркестр тоглоно.
Хилийн чанадад:
10 дугаар сарын 29-нөөс 11 дүгээр сарын 4-нд: Монгол Улсын Шадар сайд С.Амарсайхан ОХУ-ын Санкт-Петербург хотноо “Байгалийн хийн олон улсын чуулга уулзалт”-д оролцоно.
11 дүгээр сарын 1-5-нд: Монгол Улсын Ерөнхийлөгч У.Хүрэлсүх Бүгд Найрамдах Социалист Вьетнам Улсын Ерөнхийлөгч Во Ван Тыөнгийн урилгаар тус улсад төрийн айлчлал хийнэ.
11 дүгээр сарын 2-нд: БНСВУ-ын Ханой хотноо Монгол-Вьетнамын бизнес форумыг уул уурхай, хөдөө аж ахуй, аялал жуулчлал, гадаад худалдааны чиглэлээр зохион байгуулна.
11 дүгээр сарын 2-10-нд: АНУ-ын Чикаго хотод “Монголын өдрүүд-2023” бизнес, соёлын цуврал арга хэмжээ болно.
Ж.Болор
