.png){kind=logo}
Өнөөдөр буюу 2023 оны 12 дугаар сарын 28-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
10.00 цагт Чингис хаан Үндэсний музейд: “Халхын Цогт Хунтайжийн хадны бичээс”-ийг ЮНЕСКО-гийн “Дэлхийн дурсамж” хөтөлбөрийн Олон улсын баримтат өвийн жагсаалтад бүртгүүлсэн батламж гардуулах ёслолын ажиллагаа, мөн хэлэлцүүлэг болно.
11.00 цагт “Vibe house” ресторанд: (БГД Модны 2-ын гудамж) Говийн ноён хутагт Дулдуйтын Данзанравжаагийн мэлмий гийсний 220 жилийн ойд зориулсан маркийн нээлт болно.
11.20 цагт “Хангарди” ордонд: Хот нийтийн аж ахуйн чиглэлийн техник тоног төхөөрөмж худалдан авах тендерийн материал задлах хэвлэлийн бага хурал зарлажээ.
12.30 цагт “Улаанбаатар” банкны шилэн байрны 8 давхарт: Замын хөдөлгөөний удирдах төвд Нийслэлийн Засаг дарга Х.Нямбаатар замын хөдөлгөөний шинэ зохицуулалт болон нийтийн тээврийн маршрут шинэчлэлийн бодлогыг танилцуулна. Утас: 9912-7029, 861-50048
14.00 цагт “Үй Цай” ахлах сургуулийн “Эрдмийн өргөө”-нд: “Оюун ухааны зураглал”-ын IV дэх удаагийн цахим олимпиад болно.
18.00 цагт Д.Сүхбаатарын талбайд: "Улаанбаатарын мөнгөн үдэш" шинэ жилийн үйл ажиллагаа үргэлжилж байна.
