.png){kind=logo}
Токио хотын Рёогокү Кокүгикан ордонд мэргэжлийн сумогийн 2024 оны нэгдүгээр сарын Хацү башёгийн 10 дахь өдрийн барилдаан /2023.01.23/ болж 73 дахь Их аварга Тэрүнофүжи Г.Ган-Эрдэнэ, Кинбозан /М-5/-тэй учраа тааран барилдаж, түүнийг уватэнаге мэхээр хаяж 8 даваа, 2 унаатай болов.
Энэ өдөр Озэки Хошёорюү С.Бямбасүрэн, Сэкиваке Дайэйшо-той таарч барилдан түүнийг окүридаши мэхээр давснаар 8 даваа, 2 унаатай боллоо.
Харин Озэки Киришима Б.Лхагвасүрэн Оношо /М-14/-тэй энэ өдөр учраа тааран барилдаж, түүнийг хатакикоми мэхээр давснаар тэд адил 8 даваа, 2 унаатай башёг үргэлжлүүлж байна.
Энэ өдөр хамгийн ахмад бөхчүүдийн нэг Б.Мөнх-Оргил /М-10/, Атамифүжи /М-1/-тэй барилдан түүнийг ошитаоши мэхээр давснаар энэ башёг 7 даваа, 3 унаатай башёг үргэлжлүүлж явна.
Нацү башёгийн 10 дахь өдрийн байдлаар Сэкиваке Котоновако 9 даваатай ганцаараа башёг тэргүүлж байгаа бол түүний араас 8 даваа 2 унаатай Их аварга Тэрүнофүжи тэргүүтэй 5 сумоч /Озэки Киришима, Озэки Хошёорюү, Оношо/М-14/, Оносато /М-15/ / нэхэж явна.
