.png){kind=logo}
Өнөөдөр буюу 2024 оны 2 дугаар сарын 07-ны Лхагва /Үлэмж/ гарагт болох зарим үйл явдлыг тоймлон танилцуулж байна.
09.30-13.30 цагт ГХЯ-нд: СЭЗИС, Бизнесийн зөвлөлөөс “Монгол Улсын уул уурхайн салбар ба гадаадыншууд хөрөнгө оруулалт” уулзалт хэлэлцүүлэг зохион байгуулна.
Төрийн ордонд: Засгийн газрын ээлжит хуралдаан болно.
Өнөөдөр: Монгол Улсын Ерөнхийлөгч Ухнаагийн Хүрэлсүхийн урилгаар Холбооны Бүгд Найрамдах Герман Улсын Холбооны Ерөнхийлөгч Франк-Вальтер Штайнмайэрийн манай улсад хийх айлчлал эхэлнэ.
11.00 цагт Нийслэлийн 162-р сургуульд: ОХУ-ын Шинжлэх ухаан, дээд боловсролын яамнаас 2.4 мянга гаруй сурах бичиг, гарын авлага хүлээлгэн өгнө. Утас: 9974-9024.
11.00 цагт ЭМЯ-нд: Сар шинээр ажиллах эмнэлгийн хуваарь, эрт илрүүлгийн явц, амьсгалын замын болон хоол хүнсээр дамжих халдвараас сэргийлэх, уламжлалт хоол хүнс, архины зохистой хэрэглээний талаар зөвлөнө. Утас: 9191-5340, 8911-9482, 9612-1060.
11.00 цагт: "Элэгний B, Д вирустэй тэмцэгчид" ТББ-аас Халдварт өвчин судлалын үндэсний төвөөс зарласан Гепатитын В, Д вирусийн эсрэг тарилга худалдан авах тендэрт шалгарсан "Илдэнгүн хошуу" ХХК-ийн хувьцаа эзэмшигч, удирдлагатай холбоотой ашиг сонирхлын зөрчлийг шалгуулахаар АТГ-т хандана. Утас: 9999-8648, 8010-4305.
11.40 цагт Монголын Үндэсний музейд: “МОНГОЛ ЦАГААН САР" тусгай үзэсгэлэн нээгдэнэ. Үзэсгэлэнд уламжлалт сав суулга, бурхан тахилын зүйлс, гоёл чимэглэл, уламжлалт тоглоом наадамтай холбоотой 100 гаруй үзмэрийг дэлгэнэ.
11.40 цагт МҮЭХ-ны байранд: МҮЭ-ийн холбооны нэрэмжит “Хөдөлмөрийн хүний төлөө” шагнал гардуулна. Утас:9914-9240 9511-5380.
11.00 цагт “Зууны мэдээ” сонины мэдээллийн төвд: Дэлхийн буриад үндэстний Их хурал, энэ жил болох Алтаргана наадмын талаар хэвлэлийн бага хурал болно.
11.30 цагт “Зууны мэдээ” сонины мэдээллийн төвд: НИТХ-аар нийслэлд олгох тээврийн хэрэгслийн улсын бүртгэлийн дугаарын дээд хязгаар тогтоох тухай шийдвэрийг эсэргүүцэж Эко авто машин импортлогчдын холбоо ТББ-аас мэдээлэл хийнэ.
12.00 цагт“Зууны мэдээ” сонины мэдээллийн төвд: “Зээлтэй иргэд, хуулийн этгээдүүдийн эрх ашгийг хамгаалах холбоо”-ны тэргүүн Т.Баярхүү иргэд, ААН-үүдийн өр зээлийн талаар мэдээлнэ.
12.30 цагт “Зууны мэдээ” сонины мэдээллийн төвд: “ЭТТ” ХК-ийн хувьцаа, ногдол ашгийн талаар Монголын үнэт цаасны арилжаа эрхлэгчдийн холбоо, Үнэт цаасны компаниудын төлөөлөл мэдээлнэ.
