.png){kind=logo}
Сингапур улсад 2024 оны 3 дугаар сарын 27-31 зохион байгуулсан Ази тивийн аварга шалгаруулах 3х3 сагсанбөмбөгийн тэмцээнд Монголын эрэгтэй болон эмэгтэй шигшээ баг хүрэл медаль хүртсэн амжилт үзүүллээ.
Монголын эмэгтэй шигшээ баг хүрэл медалийн төлөө Тайванийн шигшээ багийг 17:10-аар, эрэгтэй шигшээ баг Шинэ Зеландын шигшээ багийг 21:18-аар тус тус хожсоноор Монголын эрэгтэй, эмэгтэй шигшээ баг хос хүрэл медальтай эх орондоо ирэхээр болж байна.
Хагас шигшээд Монголын эрэгтэйчүүдийн шигшээ багийг хожсон Австралийн шигшээ баг алтан медалийн төлөө Ираныг 21:7-оор хожин Азийн аварга цолыг 4 дэх удаагаа хүртсэн бол хагас шигшээд манай эмэгтэйчүүдийг хожсон Австралийн шигшээ баг финалд Шинэ Зеландыг 18:13-аар ялж, мөн л тивийн аваргын алтан медалийг 4 дэх удаагаа зүүлээ.
