.png){kind=logo}
Хандгайтын Их тамир Олимп цогцолборт бямба, ням /2024.04.06-07/ гарагт зохион байгуулсан "Парис-2024" олимпын эрхийн төлөөх тэмцээнийг зорих сорил тулаануудаас хамгийн өрсөлдөөнтэй тулаан нь эрэгтэйчүүдийн 63.5 кг жингийн тоглолтууд байв.
Энэ жинд ДАШТ-ий хүрэл, 2019, 2021 оны Азийн аварга, 2018 оны Азийн наадмын аварга, гавьяат тамирчин Э.Цэндбаатар АНУ-аас зорьж ирсэн. Уг жинд 4 тамирчин хүч, ур чадвараа сорин өрсөлдөж, Тайландыг зорих цор ганц эрхийн эзэн өнөөдөр /04.07/ тодорлоо. Сорил тулааны эхний өдөр Э.Цэндбаатар, Б.Буяндалай нар тааран тоглож, шүүгчдийн саналаар 3:2-оор Э.Цэндбаатар шалгарсан бол нөгөө талд Дэлхийн цомын хүрэл медальт О.Тулга, Дэлхийн цомын хүрэл медальт Т.Энхтөр нар таарч тулалдаад Т.Энхтөр 4:1-ээр илүүрхсэн байна.
Харин өнөөдөр /04.07/ болсон шийдвэрлэх тоглолтод Э.Цэндбаатар, Т.Энхтөр нар тунан хүчээ сорин тулалдаж гавьяат тамирчин Э.Цэндбаатар 4:1-ээр ялснаар олимпын эрхийн тэмцээнд оролцохоор болсон байна.
“Парис-2024” олимпын эрхийн төлөөх хамгийн сүүлийн тэмцээн ирэх 5 дугаар сарын 23-наас 6 дугаар сарын 03-нд Тайландын Бангкок хотноо болно
"Парис-2024" Зуны олимпын XXXIII наадмын эрх олгох боксын спортын хамгийн сүүлийн тэмцээнд Монгол Улсаас эрэгтэй 7, эмэгтэй 5 жинд өрсөлдөж, Парисын рингэнд тулалдах шигшээ багийн бүрэлдэхүүн тодорхой болох юм. Монголын боксын холбоо Парисын олимпын эрхийн тэмцээнд оролцох тамирчдыг энэ сарын 6,7-ны өдрүүдэд сонгон шалгаруулах сорил тулаанаар ийнхүү шийдвэрлээд байна. Мөн Казахстан улсад болох сонирхогчдын боксын 22 хүртэлх насны Ази тивийн аварга шалгаруулах тэмцээнд Монгол Улсаа төлөөлөх тамирчдыг эна өдрүүдэд тодрууллаа.
Олимпын эрхийн тэмцээнд оролцох эрхтэй болсон тамирчид:
Эрэгтэй 57 кг: Х.Энх-Амар
Эрэгтэй 57 кг жинд Ардис бокс клубын тамирчин Г.Лундаа болон Азийн аварга, Армийн дэлхийн аваргын мөнгөн медальт Алдар спорт хорооны тамирчин Х.Энх-Амар нар учраа таарч, Х.Энх-Амар ялалт байгуулав. Залуу тамирчин Г.Лундаагийн хувьд эхний үед илүүрхсэн ч үлдсэн цагт Х..Энх-Амар туршлагаар илүүрхэн ялж, олимпын эрхийн төлөө өрсөлдөхөөр боллоо.
63.5 кг: Э.Цэндбаатар
Олимпын эрхийн тэмцээнд явах эрхийн төлөөх хамгийн өрсөлдөөнтэй жин 63.5 кг байлаа. ДАШТ-ий хүрэл, 2019, 2021 оны Азийн аварга, 2018 оны Азийн наадмын аварга МУГТ Э.Цэндбаатар сорил тэмцээнд АНУ-аас зорьж ирсэн гэхчлэн энэ жинд 4 тамирчин өрсөлдөж, Тайландыг зорих эрхийн эзэн тодорсон.
Эрэгтэй 71 кг: О.Бямба-Эрдэнэ
ААШТ-ий хүрэл медальт О.Бямба-Эрдэнэ, ДАШТ-ий хүрэл медальт Б.Мишээлт нар учраа таарч 3-2-оор О.Бямба-Эрдэнэ ялалт байгуулав.
Эмэгтэй 57 кг: Т.Болортуул
Т.Болортуул /Монголын эмэгтэй боксчдоос хамгийн анхны Азийн аварга, 2024 оны улсын аварга/,Т.Номин-Эрдэнэ /2022 оны ААШТ-ий мөнгөн медальт, 2024 оны УАШТ-ий мөнгөн медальт/ нар таарч 4-1-ээр Т.Болортуул илүүрхэн, Тайландыг зорихоор болов.
Эмэгтэй 54 кг: М.Энхжаргал
Эмэгтэй 54 кг-д /ДАШТ-ий мөнгөн медальт Л.Алтанцэцэг, Дэлхийн цомын аварга, 2024 оны УАШТ-д мөнгөн медальт Э.Мичидмаа, ДАШТ-ий хүрэл, 2024 оны УАШТ-д алтан медальт М.Энхжаргал нар өрсөлдлөө. 04/06-нд улсын аваргын мөнгөн медальт Э.Мичидмаа, Л.Алтанцэцэг нар таарсан. Хоёр тамирчны ялсан нь М.Энхжаргалтай өнөөдөр олимпын эрхийн тэмцээнд хэн шалгарахаа тодруулах байв. Улмаар Э.Мичидмаа 3-2-оор илүүрхснээр өнөөдөр улсын аваргын финалын өрсөлдөөнд шалгарсан тамирчдын тулаан явагдлаа. Ийнхүү М.Энхжаргал туршлага заан 5-0-ээр илүүрхэж, Тайландыг зорихоор боллоо.
Тэмцээний үр дүнг https://msports.mn/competitions? Тэмцээн цэснээс шууд харах боломжтой.
Эх сурвалж: MSPORTS.MN
