.png){kind=logo}
Жижиг,дунд үйлдвэрийн газрын Жижиг, дунд үйлдвэрийг хөгжүүлэх сангаас хөнгөлөлттэй зээл олгох “Төсөл сонгон шалгаруулах хорооны хурал” боллоо.
Засгийн газрын 2020 оны 113 дугаар тогтоолоор батлагдсан “Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам”, ХХААХҮ-ийн Сайдын 2024 оны 01 дүгээр сарын 15-ны өдрийн А/28 дугаар тушаал, зээлийн эргэн төлөлтөөс санхүүжүүлэх нөхцөлтэй уг зээлд хамрагдахаар Улаанбаатар хотод 247 төслийн 46.0 тэрбум төгрөгийн хүсэлт ирүүлсэн байна.
Үүнээс Сонгон шалгаруулалтын сүүлийн шат буюу "ТӨСӨЛ СОНГОН ШАЛГАРУУЛАХ ХОРООНЫ ХУРАЛ"-д 9.5 тэрбум төгрөгийн хүсэлт бүхий 46 ААН төслөө танилцууллаа. Төсөл сонгон шалгаруулах хорооны хурлын дүн гарч дараах салбар чиглэлийн, 37 төсөлд 7,4 тэрбум төгрөгийн зээл олгохоор боллоо.
Үүнд:
🔹 Арьс ширэн бэлэн бүтээгдэхүүн үйлдвэрлэл
🔹Гоо сайхны бүтээгдэхүүн үйлдвэрлэл
🔹Гурил, гурилан бүтээгдэхүүн үйлдвэрлэл
🔹 Мах, дайвар бүтээгдэхүүн боловсруулах
🔹 Мод модон бүтээгдэхүүн үйлдвэрлэл
🔹 Оёмол, сүлжмэл бүтээгдэхүүн үйлдвэр
🔹 Сүү сүүн бүтээгдэхүүн боловсруулах
🔹 Хог хаягдал дахин боловсруулах үйлдвэрлэл
🔹 Хүлэмжийн аж ахуй
🔹 Хүнсний зоорь, агуулах
🔹 Хүнсний зориулалтын сав, баглаа боодлын үйлдвэр
🔹 Хүүхдийн хоол, тэжээлийн үйлдвэрлэл
🔹Цэвэр усны үйлдвэрлэл
