.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 9 дахь өдөр /2023.05.20/ Озэки Хошёорюү С.Бямбасүрэн, Такаясү /М-3/-тэй таарч барилдан түүнд сүкүинаге мэхээр ойчиж 5 даваа, 4 унаатай башёг үргэлжлүүлж байна.
Энэ башёгаас эхлээд Котозакура нэрээр барилдахаар болсон Озэки Котоновака, Оношо /М-5/-той таарч барилдан түүнийг цүкиотоши мэхээр хаяж, 2 унаа 7 даваатай боллоо.
Комүсүби Оносато энэ өдөр Хирадоүми /М-2/-тэй таарч барилдан түүнд ошидаши мэхээр унаж 7 даваа, 2 унаатай башёг үргэлжлүүлж байна.
Мөн энэ өдөр Тамаваши Б.Мөнх-Оргил /М-9/, Мэйсей /М-5/-тэй учраа тааран барилдаж түүнд ошидаши мэхээр унаж 2 даваа, 7 унаатай болоод байна.
Энэ өдөр Миторюү Б.Төрболд /М-13/, Цуругишо /М-17/-тэй учраа таарч барилдан түүнийг ёрикири мэхээр хаяж 2 даваа, 7 унаатай башёг үргэлжлүүлж явна.
Оошёома П.Дэлгэрбаяр /М-14/ энэ өдөр Ичияамамото /М-12/ учраа тааран хүч үзэж түүнийг хатакикоми мэхээр хаяж 6 даваа, 3 унаатай башёг үргэлжлүүлж байна.
