ӨНӨӨДӨР: Япон, Монголын хамтарсан “Ирээдүйн төлөө хамтдаа” урлагийн тоглолт болно.

Өнөөдөр буюу 2026 оны 9 дүгээр сарын 25-ны Баасан /Гэгээн/ гарагт болох зарим үйл явдлыг тоймлон танилцуулж байна.

09:00 цагт “Блью скай” зочид буудалд: Улсын дээд шүүх, Шүүхийн академи хамтран “Процессын шударга ёсны үндэс: Талуудын эрх тэгш байдал ба мэтгэлцэх зарчим” сэдэвт олон улсын эрдэм шинжилгээний хурлыг зохион байгуулна.

09:00 цагт ХААИС-ийн хичээлийн төв байранд: ШУА-ийн харьяа Хөдөө аж ахуйн шинжлэх ухааны академиас “Бэлчээр ба нүүдлийн мал аж ахуй эрхлэгчдийн олон улсын жил -2026” олон улсын эрдэм шинжилгээний хурал болно.

10:00 цагт “М банк арена”-д: Монголын эрүүл мэндийн технологийн экспо-2026 эхэлнэ.

12:00 цагт Д.Сүхбаатарын талбайд: “UB food festival” хоолны өдөрлөг эхэлнэ.

16:00 цагт Монголын Хүүхдийн ордны Их танхимд: Япон, Монголын хамтарсан “Ирээдүйн төлөө хамтдаа” урлагийн тоглолт болно.

Улаанбаатар хотноо: “Хятад орныг танин мэдэх” Өвөр Монголын XIV соёлын өдрүүд болж байна.

Төв цэнгэлдэх хүрээлэнд: “Намрын ногоон өдрүүд-Үндэсний үйлдвэрлэл 2026” нэгдсэн үзэсгэлэн худалдаа гарч байна

“Эмийн зохистой хэрэглээний 10 хоногийн аян”-ыг энэ сарын 16-27-нд зохион байгуулж байна.

Г.Занабазарын нэрэмжит Дүрслэх урлагийн музейд: Уран бүтээлч С.Баярбаатарын “Сэтгэлийн аяс” үзэсгэлэн энэ сарын 27-ныг хүртэл гарна.

МУЭ-ийн “Арт” галерейд: МУЭ-ийн гишүүн уран бүтээлчдийн “Намар” уламжлалт үзэсгэлэн энэ сарын 30-ныг хүртэл гарна.

Богд хааны ордон музейд: “Р.Отгонбаатарын оролдлогоос” эвхмэл бичгийн үзэсгэлэн 10 дугаар сарын 5-ныг хүртэл гарна.

Байгалийн шинжлэх ухааны үндэсний музейд: “Эрвээхэйн ертөнц” үзэсгэлэн 10 дугаар сарын 20-ныг хүртэл гарна.

Хөвсгөл аймгийн Биеийн тамир, спортын газарт: “Бид эх орны цэргүүд” чуулга уулзалт болно.

Өмнөговь аймагт: “Говь фестиваль-2026” болно.

Архангай аймагт: “Архангай түншлэл-2026” үзэсгэлэн худалдаа болно.

Сэлэнгэ аймагт: “Ардыг гэгээрүүлэхийн тэргүүний ажилтан”, Монгол хэл, уран зохиолын багш, яруу найрагч, Я.Бавуугийн мэндэлсний 100 жилийн ойд зориулсан Монгол хэл, бичгийн аймгийн олимпиад Сүхбаатар сумын ерөнхий боловсролын 5 дугаар сургуульд болно.

Сэлэнгэ аймгийн иргэдийн Төлөөлөгчдийн хурлын ээлжит XII хуралдаан болно.

БНХАУ-ын Ляонинь мужийн Шэньян хотноо: Олон улсын худалдаа, эдийн засгийн VII чуулган болж байна.

Их Британи, Умард Ирландын Нэгдсэн Хаант Улсын Лийдс хот дахь Эзэн хааны зэвсгийн музейд: “Чингис хаан: Монголчууд дэлхийг өөрчилсөн нь” олон улсын тусгай үзэсгэлэн 11 дүгээр сарын 1-нийг хүртэл гарна.

Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.

Эх сурвалж: МОНЦАМЭ Агентлаг