.png){kind=logo}
Итали улсад 8 дугаар сарын 4-6-нд зохион байгуулж буй олон улсын Скайраннингийн /уулын гүйлт/ залуучуудын дэлхийн аварга шалгаруулах тэмцээнд хурдаа сорьсон спортын дэд мастер Н.Лувсаншарав аваргын алтан медалийн эзэн болов. Тэрбээр, тус ДАШТ-ий хоёр төрлийн уралдаанд анх удаа эх орноо төлөөлөн оролцож, эхний төрөлд U23 ангиллын дэлхийн аварга болсон байна.
Л.Лувсаншарав 8 дугаар сарын 4-нд болсон уралдаан нь огцом өгсөлттэй (vertical kilometer) буюу 3.5 км зай, 1000 метр өндөр авалттай байжээ. Харин өнөөдөр буюу 8 дугаар сарын 6-нд болох уралдаан нь уулын дунд зайн (skyrace) буюу 21.6 км зай, 2226 метр өндөр авалттай юм байна.
Скайраннингийн дэлхийн аваргын уралдаанд Монгол Улсаа төлөөлөн уралдсан Н.Лувсаншарав сүүлийн нэг сарын хугацаанд өндөр ууланд бэлтгэлээ хийж байгаад 8 дугаар сарын 2-нд Итали улсыг зорьжээ.
Уралдааны нийт зай болон өндөр авалтын хэмжээ нь 28.370 метр бөгөөд Н.Лувсаншаравын туулах нэг метрийг 250 төгрөгөөр дэмжсэнээр нийт 7,092,500 төгрөг цуглаж шаардлагатай зардлаа бүрэн санхүүжүүлэх боломж бүрдэх юм.
