.png){kind=logo}
Японы мэргэжлийн сумо бөхийн Намрын тэмцээний /2023.09.11/ 2 дахь өдөр Озэки Киришима /Кирибаяама/ Б.Лхагвасүрэн, Мейсэй /М-1/-тэй барилдаж түүнийг ошитаоши мэхээр хаяснаар 2 даваатай энэ башёг үргэлжлүүлж байна
Харин Озэки Такакэйшо энэ өдөр Комүсүби Нишигики-тэй учраа таарч түүнийг цүкиотоши мэхээр давж, унаа даваа нэг нэг болов. Энэ өдөр Озэки Хошёорюү С.Бямбасүрэн, Хокүтофүжи /М-1/-тэй хүчээ сорин барилдаж, түүнд хатакикоми мэхээр унаснаар 1 даваа, 1 унаатай боллоо.
Харин энэ өдөр Тамаваши Б.Мөнх-Оргил /М-3/, Комүсүби Тобизарюү-тэй учраа таарч түүнд хиккаке мэхээр унаж 2 унаатай башёг үргэлжлүүлж байна. Мөн Хокүсэйхо А.Даваанинж /М-11/, Эндо /М-10/-той барилдаж түүнийг кимэдаши мэхээр хаяж 1 даваа, 1 унаатай боллоо.
Чиёошома Г.Мөнхсайхан /М-15/ эхний өдрийн барилдаанд Котошохо /М-16/-той таарч түүнд сүкүинаге мэхээр 1 даваа, 1 унаатай башёг үргэлжлүүлж байгаа бол Дайшохо Ч.Шижирбаяр /М-17/ энэ өдөр Атамифүжи /М-15/-тэй барилдаж түүнд ёрикири мэхээр унаснаар 2 унаатай болов.
