.png){kind=logo}
Японы мэргэжлийн сумо бөхийн Намрын тэмцээний /2023.09.15/ 6 дахь өдрийн барилдаанд Озэки Киришима Б.Лхагвасүрэн, Тамаваши Б.Мөнх-Оргил /М-3/-той барилдаж түүнийг цүкиотоши мэхээр давснаар 5 даваа, 2 унаатай башёг үргэлжлүүлж байна.
Харин Тамаваши Б.Мөнх-Оргил 7 унаатай башёг үргэлжлүүлж явна. Энэ өдөр Озэки Хошёорюү С.Бямбасүрэн, Комүсүби Нишигики-тэй учраа таарч барилдан, түүнд ошидаши мэхээр ойчиж 3 даваа, 4 унаатай болоод байна.
Озэки Такакэйшо, энэ өдөр Шодай /М-3/-тай хүчээ сорин барилдаж, түүнд ошидаши мэхээр унаснаар 5 даваа, 2 унаатай болов.
Мөн Хокүсэйхо А.Даваанинж /М-11/, Кинбозан /М-10/-тэй таарч барилдан, түүнийг ёрикири мэхээр хаяж 3 даваа, 4 унаатай боллоо.
Энэ өдөр Чиёошома Г.Мөнхсайхан /М-15/, Саданоүми /М-12/-тэй таарч барилдан түүнд ёрикири мэхээр унаснаар 1 даваа, 6 унаатай башёг үргэлжлүүлж байна.
Мөн Дайшохо Ч.Шижирбаяр /М-17/, Такарафүжи /М-12/-тэй хүчээ сорин, түүнд окүридаши мэхээр унаснаар 2 даваа, 5 унаатай явна.
