.png){kind=logo}
МХБХ АХБХ-той хамтран зохион байгуулсан АХБХ-ны А зэрэглэлтэй дасгалжуулагчийн сургалт 2023 оны 08-р сарын 01-нээс 11-р сарын 06-ны өдөр хүртэл хоёр хэсгээс бүрдсэн онол, практик хосолсон хэлбэрээр сургалт амжилттай явагдаж өндөрлөсөн билээ.
Тус сургалтад нийт 19 дасгалжуулагч хамрагдаж шалгалтдаа амжилттай тэнцсэн АХБХ-ны A зэрэглэлтэй болсон 9 дасгалжуулагчийг МХБХ-ны Ерөнхий Нарийн Бичгийн Дарга Т.Дагвадорж хүлээн авч уулзаж диплом, сертификат гардууллаа.
АХБХ-ны "A" зэрэглэлтэй болсон дасгалжуулагчдаас Б.Алтанцэцэг нь Монголын Хөлбөмбөгийн анхны Эмэгтэй АХБХ-ны "A" зэрэглэлтэй дасгалжуулагч болж байгаагаар онцлог юм.
Энэ удаагийн сургалтын ач холбогдол нь МХБХ АХБХ-ны “А” конвенцод нэгдсэн бөгөөд энэхүү өндөр зэрэглэлийн сургалтыг цаашид бие даан зохион байгуулах чадамжтай болж байгаа билээ.
Уг сургалт Монгол улсад хоёр дахь удаагаа зохион байгуулагдсан бөгөөд МХБХ АХБХ-ны “А” зэрэглэлтэй нийт 30 дасгалжуулагчтай болж байгаа юм.
Хөлбөмбөгийн ногоон талбайд ялалтын төлөө мэдлэг чадвараа үргэлж уралдуулж байдаг эрхэм дасгалжуулагч нартаа МХБХ-ноос амжилт хүслээ.
НЭГ БАГ - НЭГ ЗОРИЛГО
