Бодит мэдээллийн “Асуу” чатбот ашиглалтад орсон талаар мэдээлнэ

Өнөөдөр буюу 2024 оны 5 дугаар сарын 15-ны Лхагва /Үлэмж/ гарагт болох зарим үйл явдлыг тоймлон танилцуулж байна.

10.00 цагт Төрийн ордонд: УИХ-ын ажлын хэсэг, байнгын хороод хуралдана.

Төрийн ордонд: Засгийн газрын ээлжит хуралдаан болно.

10.00 цагт: "Үндэсний эвсэл”-ийн тэргүүн Н.Номтойбаяр мэдээлэл хийнэ. Утас: 9900-7925, 9111-7815.

11.30 цагт “Монгол ньюс” мэдээллийн төвд: Монголын ээжүүдийн холбоо хэвлэлийн хурал зарлажээ.

11.00 цагт “Зууны мэдээ” сонины мэдээллийн төвд: Технологийн “Meedan” компанийн хөгжүүлсэн бодит мэдээллийн “Асуу” чатбот ашиглалтад орсон талаар сэтгүүл зүйн инновац хөгжлийн “Үүр төв”, Монголын баримт шалгах төвөөс мэдээлнэ.

11.30 цагт “Зууны мэдээ” сонины мэдээллийн төвд: “Health transformation club” эрүүл мэндийн салбарын үйл ажиллагааны доголдол, хууль бус үйл ажиллагааны талаар "Эрүүл мэндийн салбарын дампуурал" сэдвээр хэвлэлийн хурал зарлажээ.

12.00 цагт:“Зууны мэдээ” сонины мэдээллийн төвд: Уламжлалт мал аж ахуйд уур амьсгалын өөрчлөлтөөс шалтгаалсан сөрөг нөлөөллийг бууруулах хууль Үндсэн хууль, төрийн үйл ажиллагааны үндсэн зарчим болон УИХ-ын төсөв батлах бүрэн эрхэд халдсан талаар иргэдийн төлөөлөл Үндсэн хуулийн цэцэд хандсан талаар мэдээлнэ.

17.00 цагт: НҮБ-ын суурин зохицуулагчийн газар, Далайд гарцгүй хөгжиж буй орнуудын Олон улсын судалгааны төв (ОУСТ) худалдаа, эрчим хүч, тээвэр, логистикийн талаар хамтран ажиллах санамж бичигт гарын үсэг зурах ёслол болно. Утас: 941-1120.