.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 4 дэх өдөр /2023.05.15/ Озэки Хошёорюү С.Бямбасүрэн, Хирадоүми /М-2/-тэй таарч барилдан түүнийг ёритаоши мэхээр давснаар 2 даваа, 2 унаатай башёг үргэлжлүүлж явна.
Харин Озэки Киришима Б.Лхагвасүрэн, Дайэйшо /М-1/-той учраа тааран барилдаж, түүнд ошидаши мэхээр унаснаар 3 унаа, 1 даваатай болоод байна.
Энэ башёгаас эхлээд Котозакура нэрээр барилдахаар болсон Озэки Котоновака Гонояама /М-2/-тай таарч барилдан түүнийг уватэнаге мэхээр давж, 1 унаа 3 даваатай болов.
Нацү башёгийн 4 дэх өдөр Комүсүби Оносато, Сэкиваке Вакамотохару-тай учраа тааран барилдаж түүнийг цүкиотоши мэхээр давж 1 унаа, 3 даваатай болов.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Саданоүми /М-11/-тэй учраа тааран барилдаж түүнд ёритаоши мэхээр унаж 2 даваа, 2 унаатай болоод байна.
Миторюү Б.Төрболд /М-13/, Токихаяате /М-15/-тэй учраа таарч барилдан түүнийг ошидаши мэхээр хаяж 1 даваа, 3 унаатай энэ башёг үргэлжлүүлж явна.
Мэргэжлийн сумо бөхийн дээд /Макүүчи/ зиндаанд анх удаа барилдаж байгаа 27 настай Ошома П.Дэлгэрбаяр /М-14/, Чураноүми/М-13/-тэй таарч барилдан түүнд хикиотоши мэхээр унаснаар 3 даваа, 1 унаатай боллоо.
