.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 11 дэх өдөр /2023.05.22/ Озэки Хошёорюү С.Бямбасүрэн, Комүсүби Оносато-той таарч барилдан түүнийг шитатэнаге мэхээр хаяж 7 даваа, 4 унаатай башёг үргэлжлүүлж байна.
Харин Онасато 3 унаа, 8 даваатай башёг үргэлжлүүлж байна. Энэ өдрийн байдлаар Нацү башёг 7 болон 8 даваатай тус бүр 6 бөх, 9 даваатай нэг бөх барилдаанаа үргэлжлүүлж явна.
Котозакура нэрээр барилдах болсон Озэки Котоновака, Мэйсей /М-6/-тэй учраа таарч барилдан түүнийг уватэнаге мэхээр давж, 3 унаа 8 даваатай боллоо.
Энэ өдөр Чиёошома Г.Мөнхсайхан /Жүрёо-3/ Макүүчид дэвшин Цуругишёо /М-17/-той таарч барилдан түүнийг ёрикири мэхээр хаяж 9 даваа, 2 унаатай Нацү башёг амжилттай үргэлжлүүлж байна.
Мөн энэ өдөр Тамаваши Б.Мөнх-Оргил /М-9/, Нишикифүжи /М-12/-тэй учраа тааран барилдаж түүнийг ошидаши мэхээр хаяж 3 даваа, 7 унаатай болоод байна.
Энэ өдөр Миторюү Б.Төрболд /М-13/, Ичияамамото /М-12/-тэй учраа таарсан ч бэртлийн улмаас башёг орхилоо.
Оошёома П.Дэлгэрбаяр /М-14/ энэ өдөр Котошохо /М-8/ учраа тааран хүч үзэж түүнийг ёрикири мэхээр хаяж 8 даваа, 3 унаатай башёг үргэлжлүүлж байна.
