.png){kind=logo}
Японы Нагоя хотноо болж буй мэргэжлийн сумо бөхийн 2024 оны 7 дугаар сарын барилдааны 4 дэх өдөр /2024.07.17/ Их аварга Тэрүнофүжи Г.Ган-Эрдэнэ, Комүсүби Митакэүми /М-1/-тэй таарч барилдан, түүнийг ёрикири мэхээр давснаар 4 даваатай болоод байна.
Озэки Хошёорюү С.Бямбасүрэн, Гонояама /М-3/-тай таарч барилдан түүнд цүкидаши мэхээр унаснаар 2 даваа, 2 унаатай башёг үргэлжлүүлж явна.
Харин энэ өдөр Секиваке Киришима Б.Лхагвасүрэн, Дайэйшо /М-2/-той учраа тааран барилдаж, түүнд ошидаши мэхээр унаснаар 3 даваа, 1 унаатай болоод байна.
Котозакура нэрээр барилдахаар болсон Озэки Котоновака, Вакамотохару /М-2/-тэй таарч барилдан түүнийг ёрикири мэхээр давснаар 2 унаа, 2 даваатай башёг үргэлжлүүлж байна.
Өнгөрсөн башёд түрүүлсэн Сэкиваке Оносато, Комүсүби Хирадоуми-тэй учраа тааран барилдаж, түүнд цүкиотоши мэхээр унаснаар 1 даваа, 3 унаатай боллоо.
Энэ өдөр Озэки Такакэйшёо, Тобизарюү /М-4/-тэй таарч барилдан түүнд окүринагe мэхээр унаснаар 1 даваа, 3 унаатай болж байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Кинбозан /М-8/-тай учраа таарч барилдан, түүнийг ошидаши мэхээр давж, 3 даваа, 1 унаатай башёг үргэлжлүүлж байна.
Ошома П.Дэлгэрбаяр /М-9/ энэ өдөр Мидорифүжи /М-10/-тэй учраа тааран барилдаж түүнд ёрикири мэхээр унаж 3 даваа, 1 унаатай болоод байна.
