.png){kind=logo}
Улаанбаатар, 2024 оны арванхоёрдугаар сарын 6 /МОНЦАМЭ/. Мэргэжлийн бокст тав дахь тулаанаа хийсэн олон улсын хэмжээний мастер Х.Энхмандах дөнгөж сая өрсөлдөгчөө хүнд цохилтоор яллаа.
Тодруулбал, түүний ээлжит тулаан хэдхэн минутын өмнө АНУ-д болж, манай тамирчин өрсөлдөгчөө нэгдүгээр үеийн хоёр дахь минутад хүнд цохилтоор буулган авав. Ингэснээр тэр таван тулаан хийснээс 5-0 гэсэн амжилттай болж байна. Түүний өрсөлдөгч нь 31 настай Америкийн боксчин Карлон Жонсоны хувьд карьерынхаа гурав дахь тулааныг хийж хоёр дахь ялагдлаа амсав.
Эхний үед ялалт байгуулсан Х.Энхмандах тулааны дараа “Аль болох хурдан дуусгах төлөвлөгөөтэй байсан. Яг л тэр ёсоор боллоо. Намайг дэмжиж, хурцалж байсан Монголын ард түмэндээ, хайртай гэр бүлийнхэндээ, багшдаа баярлалаа. Илүү их хичээж, удахгүй бүсний эзэн болно” хэмээн сэтгэгдлээ илэрхийлэв.
Түүний хувьд энэ тулаанд ялснаар 2025 онд чансаа өндөр тамирчидтай тулаан хийж, эхний бүсний төлөө тулалдах эрх авах магадлал улам нэмэгдэж байна.
Эх сурвалж: МОНЦАМЭ Агентлаг Б.Мөнхзул
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!