Нийтийн албан тушаалтны хууль бус хөрөнгийг хураах тухай хуулийн төслийн олон нийтийн хэлэлцүүлэг болно

Өнөөдөр буюу 2025 оны 1 дүгээр сарын 10-ний Баасан /Гэгээн/ гарагт болох зарим үйл явдлыг тоймлон танилцуулж байна.

10:00 цагт Төрийн ордонд: УИХ-ын чуулганы хуралдаан болно.

10:00 цагт ХЗДХЯ-ны байранд: Нийтийн албан тушаалтны хууль бус хөрөнгийг хураан авах, нөхөн төлүүлэх тухай хуулийн төслийн олон нийтийн хэлэлцүүлэг болно.

12:00 цагт Төрийн ордонд: УИХ-ын Төрийн байгуулалтын байнгын хорооны хуралдаан болно.

12:00 цагт “Зууны мэдээ” сонины Үндэсний мэдээллийн төвд: Иргэдийн шударга шүүх ТББ-ын тэргүүн Х.Бат-Ялалт "Шүүх засаглалын шинэчлэлийг хийх нь зөв" сэдвээр мэдээлэл өгнө.

15:00 цагт “Улаанбаатар Галлерей”-д: Ардчилсан Үндсэн хууль батлагдсаны 33 жилийн ойг тохиолдуулан УИХ-ын гишүүн Х.Тэмүүжин "Үндсэн хууль-Үндсэн зарчим ба Хууль зүйн салбарын өөрчлөлт" сэдвээр сэтгүүлчидтэй чөлөөт уулзалт хийнэ.

Буянт-Ухаа спортын ордонд: Бүжгийн спортын өсвөр, залуучууд, насанд хүрэгчдийн УАШТ болно.

Монгол бөхийн өргөөнд: Жүдо бөхийн насанд хүрэгчдийн УАШТ болно.

Цэргийн албаны тухай хууль, Батлан хамгаалахын сайдын тушаал, нийслэлийн Засаг даргын захирамжаар 2025 оны цэргийн бүртгэлийг нийслэлийн хэмжээнд нэгдүгээр сарын 6-22-нд зохион байгуулна.

Нэгдүгээр сарын 25-26-нд болох Нисгэгчгүй нисэх хэрэгсэл жолоодлогын улсын аварга шалгаруулах “Дронокон-2025” тэмцээний бүртгэл энэ сарын 14-нийг хүртэл үргэлжилнэ.

Татварын ерөнхий газарт: Анх удаа орон сууц худалдан авсан иргэн, дотоод гадаадын их дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс хүлээн авч байна.

Энэ сарын 15-ны өдрөөс албан ёсоор улсын дугаарын захиалга авч эхэлнэ. Энэ сарын 14-нийг хүртэлх хугацаанд иргэд, аж ахуйн нэгж, байгууллага тус системтэй танилцаж, өөрийн мэдээллээ шалгаж, нягтлах боломжтой.

“Блью Мон” галерейд: Шинэ болон шилмэл бүтээлийн “Онцлох бүтээлүүдийн үзэсгэлэн” энэ сарын 7-20-ны өдрүүдэд гарч байна.

Чингис хаан Үндэсний музейн 9 давхрын үзүүллэгийн танхимд: Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэнэнэ сарын 15-ныг хүртэл гарна.