.png){kind=logo}
Токио хотноо өнөөдөр мэргэжлийн сумо бөхийн 2025 оны нэгдүгээр сарын Хацү башёгийн 5 дахь /01.16/ өдрийн барилдааны тоймыг сонирхуулж байна.
Дээд буюу Макүүчи зиндаанд Их аварга Тэрүнофүжи Г.Ган-Эрдэнэ тэргүүтэй Монголын 8 сумоч хүч, ур чадвараа сорин барилдаж байснаас өнөөдөр Их аварга бэртэл нь сэдэрсэний улмаас башёг орхилоо
Монголын сумоч Тамашохо Эрдэнэбилэгийн Энхманлай /М-16/ энэ башёд анх удаа Макүүчид дэвшин барилдаж байгаа бөгөөд энэ өдөр Китановака /М-15/-тай таарч түүнд уватэнаге мэхээр унаж 1 даваа, 4 унаатай боллоо.
Энэ өдөр Онокацү Б.Чойжилсүрэн /М-12/, Нишикиги /М-12/-тэй хүчээ сорин барилдаж түүнд ёрикири мэхээр ойчиж 2 даваа, 3 унаатай болов.
Сумо бөхийн энэ цаг үеийн хамгийн ахмад бөх Тамаваши Б.Мөнх-Оргил/М-10/, өнөөдөр Мейсэй /М-10/-тэй учраа таарч барилдан түүнийг хикиотоши мэхээр унагаж башёг 5 даваатай амжилттай үргэлжлүүлж байна.
Ошома П.Дэлгэрбаяр/М-9/, Чураноүми /М-9/-тэй учраа таарч түүнийг хикиотоши мэхээр хаяж 3 даваа 2 унаатай болоод байна.
Харин Чиёошома Г.Мөнхсайхан /М-5/, энэ өдөр Такаясү /М-6/-тэй учраа таарч барилдан түүнийг ёрикири мэхээр давж 5 даваатай башёг үргэлжлүүлж байна.
Киришима Б.Лхагвасүрэн /М-1/, Таканошёо/М-1/-тэй учраа тааран хүч үзэж түүнийг ёрикири мэхээр давснаар 2 даваа, 3 унаатай болов.
Озэки Котозакура, Шодай /М-4/-тай учраа тааран хүч үзэж түүнд ёритаоши мэхээр унаснаар ганц даваа, 4 унаатай башёг үргэлжлүүлж байна.
Харин Озэки Оносато энэ өдөр Охо/М-3/-той учраа тааран барилдаж түүнд окүридаши мэхээр унаснаар 2 даваа, 3 унаатай болсон бол Охо 5 даваатай болов.
Энэ башёд аварга цол авах эсэхээ шийдэх Озэки Хошёорюү С.Бямбасүрэн, Атамифүжи /М-2/-тэй хүчээ сорин барилдаж түүнд котэнаге мэхээр ойчиж 4 даваа, нэг унаатай боллоо.
Өнгөрсөн оны сүүлийн 4 башёд бэртлийн улмаас өнжөөд байсан 73 дахь Их аварга Тэрүнофүжи Г.Ган-Эрдэнэ өнөөдөр Гонояама/М-3/-тай барилдах байсан ч өнжих болсноор Гонояама давааг авч 4 даваа, 1 унаатай болов.
Энэ өдрийн байдлаар Тамаваши, Чиёошома, Охо, Кинбозан нар 5 даваатай Хацү башёг тэргүүлэгчдийн эгнээнд бичигдэж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!