.png){kind=logo}
Токио хотноо өнөөдөр болсон мэргэжлийн сумо бөхийн 2025 оны нэгдүгээр сарын Хацү башёгийн 12 дахь /01.23/ өдрийн барилдааны тоймыг сонирхуулж байна.
Өнөөдрийн байдлаар Хацү башёгийн дээд /Макүүчи/ зиндаанд Монголын 7 сумоч хүч, ур чадвараа сорин барилдаж байна.
Өнөөдөр Тамаваши Б.Мөнх-Оргил /М-10/, Хакүохо /М-15/-той учраа таарч барилдан түүнийг уватэнаге мэхээр давснаар 7 даваа, 5 унаатай башёг үргэлжлүүлж байна.
Ошома П.Дэлгэрбаяр/М-9/, Шоннанноүми /М-13/-тэй таарч түүнийг цүкиотоши мэхээр хаяснаар тэд адил 6 даваа, 6 унаатай болоод байна.
Тамашохо Э.Энхманлай /М-16/ энэ өдөр Такарафүжи /М-8/-тэй учраа таарч түүнд ошидаши мэхээр унаж 4 даваа, 8 унаатай боллоо.
Энэ өдөр Онокацү Б.Чойжилсүрэн /М-12/, Ичияамамото /М-6/-той хүчээ сорин барилдаж түүнийг ёрикири мэхээр хаяж 7 даваа, 5 унаатай болов.
Киришима Б.Лхагвасүрэн /М-1/ энэ өдөр Охо /М-3/-той учраа таарч барилдан түүнийг окуринаге мэхээр хаяж тэд адилхан 9 даваа, 3 унаатай болж башёг амжилттай үргэлжлүүлж байна.
Озэки Хошёорюү С.Бямбасүрэн энэ өдөр башёг 10 даваатай тэргүүлж байгаа Кинбозан /М-14/-тай учраа тааран барилдаж түүнийг хатакикоми мэхээр хаяснаар 9 даваа, 3 унаатай болсон бол Кинбозан 2 унаатай болоод байна.
Озэки Котозакура, Такеруфүжи /М-11/-тэй учраа тааран барилдаж түүнд цүкиотоши мэхээр унаснаар 5 даваа, 7 унаатай болов. Харин Такеруфүжи 9 даваа, 2 унаатай болов.
Энэ өдөр Озэки Оносато, Чиёошома Г.Мөнхсайхан /М-5/-тай хүчээ сорин түүнийг ёрикири мэхээр давснаар тэд адил 8 даваа 4 унаатай болоод байна.
Ийнхүү Хацү башёгийн 12 дахь өдрийн байдлаар Кинбозан 10 даваа, 2 унаатай бол Озэки Хошёорюү, Киришима, Охо, Такеруфүжи нар 9 даваа, 3 унаатай түүнийг нэхэж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!