.png){kind=logo}
Токио хотноо өнөөдөр болсон мэргэжлийн сумо бөхийн 2025 оны нэгдүгээр сарын Хацү башёгийн 14 дэх /01.25/ өдрийн барилдааны тоймыг сонирхуулж байна.
Өнөөдрийн байдлаар Хацү башёгийн дээд /Макүүчи/ зиндаанд Монголын 7 сумоч хүч, ур чадвараа сорин барилдаж байна.
Өнөөдөр Тамаваши Б.Мөнх-Оргил /М-10/, Нишикифүжи /М-17/-тэй учраа тааран хүч үзэж түүнийг ошидаши мэхээр хаяж 9 даваа, 5 унаатай боллоо.
Онокацү Б.Чойжилсүрэн /М-12/ энэ өдөр Мэйсей /М-10/-тэй учраа таарч барилдан түүнд ёрикири мэхээр унаснаар 7 даваа, 7 унаатай башёг үргэлжлүүлж байна.
Ошома П.Дэлгэрбаяр/М-9/, Тамашохо Э.Энхманлай /М-16/-тай энэ өдөр учраа таарч түүнийг цүкиотоши мэхээр хаяж 8 даваа, 6 унаатай болов. Харин Тамашохо 5 даваа, 9 унаатай болоод байна.
Таканошёо /М-1/, энэ өдөр Охо /М-3/-той таарч барилдан түүнд цүкиотоши мэхээр унаснаар 6 даваа, 8 унаатай болж, Охо 11 даваа, 3 унаатай болж түрүү бөхийн төлөө өрсөлдөх болзол хангалаа.
Киришима Б.Лхагвасүрэн /М-1/ энэ өдөр Кинбозан /М-14/-тай учраа таарч барилдан түүнд сүкүинаге мэхээр унаж 10 даваа, 4 унаатай болж тэргүүлэх өрсөлдөөнөөс гарлаа. Харин Кинбозан 12 даваа, 2 унаатай башёг тэргүүлсээр байна.
Энэ өдөр Комүсүби Аби, Такаясү /М-6/-тэй хүчээ сорин түүнд хатакикоми мэхээр унаснаар 7 даваа 7 унаатай, Такаясү 8 даваа, 6 унаатай болоод байна.
Чиёошома Г.Мөнхсайхан /М-5/ өнөөдөр Секиваке Вакамотохару-тай учраа тааран барилдаж түүнд цүкиотоши мэхээр унаснаар 8 даваа 6 унаатай боллоо.
Озэки Котозакура, Озэки Оносато-той учраа тааран барилдаж түүнд ошидаши мэхээр унаснаар 5 даваа, 9 унаатай болов. Харин Оносато 9 даваа, 5 унаатай башёг үргэлжлүүлж байна.
Озэки Хошёорюү С.Бямбасүрэн энэ өдөр Такеруфүжи /М-11/-тэй учраа тааран барилдаж түүнийг ёрикири мэхээр хаяснаар 11 даваа, 3 унаатай болж түрүү бөхийн төлөө хүч үзэх болзол хангалаа.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!