.png){kind=logo}
Өнөөдрийн байдлаар Хацү башёгийн дээд /Макүүчи/ зиндаанд Монголын 7 сумоч хүч, ур чадвараа сорин барилдсанаас Озэки Хошёорюү С.Бямбасүрэн түрүү бөхөөр тодорч, Киришима Б.Лхагвасүрэн 11 даваа, Тамаваши Б.Мөнх-Оргил,Чиёошома Г.Мөнхсайхан нар 9 даваа, Ошома П.Дэлгэрбаяр 8 даваа, Онокацү Б.Чойжилсүрэн 7 даваа, Тамашохо Э.Энхманлай 6 даваатай тус тус башёг өндөрлүүллээ.
Өнөөдөр Тамаваши Б.Мөнх-Оргил /М-10/, Котошохо /М-13/-той учраа тааран хүч үзэж түүнд хатакикоми мэхээр унаж 9 даваа, 6 унаатай башёг өндөрлүүллээ.
Ошома П.Дэлгэрбаяр/М-9/, энэ өдөр Нишикиги /М-12/-тэй учраа тааран түүнд котэнаге мэхээр ойчиж тэд адил 8 даваа, 7 унаатай болж башёг дуусгаж байна.
Тамашохо Э.Энхманлай /М-16/ энэ өдөр Митакэүми /М-7/-тэй учраа таарч түүнийг окүридаши мэхээр хаяж 6 даваа, 9 унаатай Хацү башёг дуусгав.
Чиёошома Г.Мөнхсайхан /М-5/ өнөөдөр Шоннанноүми /М-13/-тэй учраа тааран барилдаж түүнийг ошидаши мэхээр давснаар 9 даваа 6 унаатай башёг амжилттай өндөрлүүлж байна.
Онокацү Б.Чойжилсүрэн /М-12/ энэ өдөр Хирадоүми /М-5/-тэй учраа таарч барилдан түүнд ёрикири мэхээр унаснаар 7 даваа, 8 унаатай башёг дуусгаж байна.
Киришима Б.Лхагвасүрэн /М-1/ Такеруфүжи /М-11/-тэй энэ өдөр таарч барилдан түүнийг хатакикоми мэхээр хаяснаар 11 даваа, 4 даваатай башёг амжилттай өндөрлүүллээ.
Хацү башёд 11 даваатай амжилттай барилдаж байгаа 25 настай Охо /М-3/ 15 дахь өдрийн барилдаанд энэ башёг тэргүүлж яваа Кинбозан /М-14/-тай учраа таарч барилдан түүнийг ошидаши мэхээр хаяснаар тэд адилхан 12 даваа, 3 унаатай боллоо.
Мөн энэ өдөр Комүсүби Аби, Сэкиваке Дайэйшёо-той хүчээ сорин түүнд цүкидаши мэхээр унаснаар 7 даваа, 8 унаатай, Дайэйшёо 11 даваа, 4 унаатай башёг дуусгаж байна.
Озэки Оносато сүүлийн өдөр Ура /М-4/-тай учраа тааран барилдаж түүнийг цүкидаши мэхээр давснаар 10 даваа, 5 унаатай энэ башёг дуусгалаа.
Озэки Хошёорюү С.Бямбасүрэн энэ өдөр Озэки Котозакура-тай учраа тааран барилдаж түүнийг ёрикири мэхээр хаяснаар 12 даваа, 3 унаатай боллоо.
