.png){kind=logo}
Өнөөдөр буюу 2025 оны 2 дугаар сарын 04-ний Мягмар /Өлзийт/ гарагт болох зарим үйл явдлыг тоймлон танилцуулж байна.
9:00-12:00 цагт ШУА-ийн төв байрны их чуулганы танхимд: ШУА-ийн Физик, Хими технологийн хүрээлэнгээс “Квантын шинжлэх ухаан, технологийн олон улсын жил-2025” хурлыг зохион байгуулна.
9:00 цагт “Блю скай” зочид буудалд: Стандарт, хэмжил зүйн салбарын удирдах ажилтны зөвлөгөөнболно. Зөвлөгөөнд Шадар сайд С.Амарсайхан, СХЗГ-ын дарга С.Батбаатар, Бүсчилсэн хөгжлийн үндэсний хүрээлэн, ТАЗ, АТГ, СЗХ, Удирдлагын академи, АЕГ, Нийслэлийн Прокурорын газраас оролцож илтгэл тавина. Утас: 99006045
10:00-12:00 цагт Үндэсний оношилгоо эмчилгээний төвийн I давхарт: Хавдрын эсрэг дэлхийн өдөр. Олон нийтийн хавдрын талаах мэдлэгийг дээшлүүлэх, урьдчилан сэргийлэх, илрүүлэх, эмчлэхийг дэмжихээр УХТЭ "Хоол боловсруулах замын эрхтний хавдраас сэргийлье” нээлттэй хаалганы өдөрлөгийг зохион байгуулна.
Төрийн ордонд: УИХ-ын Байгаль орчин, хүнс, хөдөө аж ахуйн байнгын хорооноос “Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл’’ерөнхий хяналтын сонсголыг хоёр дахь өдрөө зохион байгуулна.
Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн гуравдугаар сарын 12-ныг хүртэл үргэлжилнэ.
Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс хүлээн авч байна.
Нийслэлд: Соёл урлагийн шилдгүүдийг шалгаруулах “Мөнгөн мод-2025” наадамд нэр дэвшигчдийн бүртгэлийг энэ сарын 3-7-нд хүлээн авна.
“Соёолж молл” болон “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал үргэлжилнэ.
Улиастай хотод: Завхан аймгийн 2025 оны өсвөр үеийн аймгийн аварга шалгаруулах тэмцээн энэ сарын 1-нээс 16 төрлөөр эхэллээ. Эдгээр тэмцээн зургаадугаар сарын 1 хүртэл хуваарийн дагуу үргэлжилнэ.
Дундговь аймгийн Дэрэн суманд: Тэмээний баяр зохион байгуулна.
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд зохион байгуулна
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!