.png){kind=logo}
Бүгд Найрамдах Польш Улсад 2025 оны 5 дугаар сарын 12-17-ны өдрүүдэд болсон чансаа тогтоох (Ranking point) сонирхогчдын боксын Феликс Стаммын тэмцээнд Монголын баг тамирчид 3 мөнгө, 2 хүрэл медаль хүртэж багийн дүнгээр 9 дүгээр байрт шалгарлаа.
Чансаа тогтоох (Ranking point) Боксын Феликс Стаммын тэмцээний шигшээ тулаанд эмэгтэйчүүдийн 54 кг жинд М.Энхжаргал Итали улсын тамирчин Чарааби Сиринтэй тулалдан ялагдаж мөнгөн медаль мөн эрэгтэйчүүдийн 50 кг жинд А.Баттулга Итали улсын тамирчин Аттраттиво Салваторетой тулалдаж, 54 кг жинд Х.Билгүүнсайхан Узбекистан улсын тамирчин Мирзахалилов Миразизбектэй тус тус хүчээ сорин ялагдал хүлээснээр жин тус бүрдээ мөнгөн медалийн эзэд боллоо.
Түүнчлэн эрэгтэйчүүдийн 54 кг жинд Г.Лундаа, 65 кг жинд Б.Мишээлт нар хүрэл медаль хүртсэн юм.
