.png){kind=logo}
Өнөөдөр буюу 2025 оны 9 дүгээр сарын 4-ний Пүрэв /Бадрангуй/ гарагт болох зарим үйл явдлыг тоймлон танилцуулж байна.
Монгол Улсын Ерөнхийлөгч У.Хүрэлсүхийн урилгаар Австралийн Холбооны Улсын Амбан захирагч Саманта Мостин есдүгээр сарын 4-9-нд Монгол Улсад төрийн айлчлал хийнэ.
Монгол Улсын Их Хурлын дарга Д.Амарбаясгалан Бүгд Найрамдах Казахстан Улсын Парламентын доод танхим Мажилисийн дарга Е.Ж.Кошановын урилгаар есдүгээр сарын 4-7-нд тус улсад албан ёсны айлчлал хийнэ.
10:30 цагт Монголын банкны холбооны байранд: "Банкны салбарын 2025 оны эхний хагас жилийн тойм" судалгаа танилцуулах хэвлэлийн бага хурлыг зохион байгуулна.
11:00 цагт “Монгол ньюс” компанийн Мэдээллийн төвд: Баруун бүсийн усан хангамжийн төсөлд оролцогч “Baran group limited" компанийн үйл ажиллагаанаас болж Монголын олон компани хохирсон талаар “НБИК”, Ricon”, “Монкон НБИК” компанийн төлөөлөл мэдээлэл хийнэ.
11:30 цагт: Баянхонгор аймгийн Галуут сумын нутагт “Гацуурт” компанийн удирдлагууд хууль зөрчиж байгаль орчинд хохирол учруулсан, хүний эрхийг зөрчсөн талаар малчдын төлөөлөл хэвлэлийн бага хурал хийнэ.
Улаанбаатар хотноо: "Ази, Номхон далайн бүсийн кибер аюулгүй байдал бүс нутгийн хуралдаан-2025” болж байна.
Улаанбаатар хотноо: Залуучуудын 16 хүртэлх насны Азийн аварга шалгаруулах тэмцээн (2025 FIBA U16 Asia Cup) үргэлжилж байна.
"Чингис хаан" үндэсний музейд: "Их шүтээн: Эзэн Чингис хаан" тусгай үзэсгэлэн гарч байна.
"NM tower"-т: "Хүрээлэн буй Хязгааргүй” уран бүтээлийн үзэсгэлэнг дэлгээд байна.
"Алтан намар-2025” төмс хүнсний ногооны өргөтгөсөн худалдааг нийслэлийн есөн дүүрэгт 11 дүгээр сарын 1 хүртэл зохион байгуулна.
Баянхонгор аймагт: Монгол Улсын 2025 оны Шатрын аварга шалгаруулах эрэгтэйчүүдийн 63 дахь, эмэгтэйчүүдийн 55 дахь удаагийн тэмцээн есдүгээр сарын 3-15-нд болж байна.
Их Британийн Ливерпүүл хотод: Сонирхогчдын боксын ДАШТ-нд манай улсаас эрэгтэй тав, эмэгтэй таван тамирчин оролцоно.
Өнөөдөр Астана, Алматы хотноо: Монгол-Казахстаны бизнес уулзалт эхэлнэ.
