.png){kind=logo}
Өнөөдөр буюу 2025 оны 9 дүгээр сарын 5-ны Баасан /Гэгээн/ гарагт болох зарим үйл явдлыг тоймлон танилцуулж байна.
Монгол Улсын Ерөнхийлөгч У.Хүрэлсүхийн урилгаар Австралийн Холбооны Улсын Амбан захирагч Саманта Мостин есдүгээр сарын 4-9-нд Монгол Улсад төрийн айлчлал хийнэ.
Монгол Улсын Их Хурлын дарга Д.Амарбаясгалан Бүгд Найрамдах Казахстан Улсын Парламентын доод танхим Мажилисийн дарга Е.Ж.Кошановын урилгаар есдүгээр сарын 4-7-нд тус улсад албан ёсны айлчлал хийнэ.
09:00 цагт Нийслэлийн Соёлын төв өргөөнд: Монгол Улсад Барилгын салбар үүсэж хөгжсөний 99 жилийн ойг тохиолдуулан “Барилгачдын өдөр-2025” өдөрлөг болно.
09:20 цагт МУИС-ийн I байрны Эрдмийн танхимд: ХБНГУ-ын Монголч эрдэмтэн Удо Б.Баркманны 70 насны ойд зориулсан "Өмчийн харилцаа: Монголын нийгэм, эдийн засгийн түүх" олон улсын эрдэм шинжилгээний хурал болно.
13:00 цагт Г.Занабазарын нэрэмжит Дүрслэх урлагийн музейд: Уран бүтээлч Г.Логийразын “Шавраас дижитал хүртэл” бие даасан үзэсгэлэнгийн нээлт болно.
17:00 цагт "Б Контемпорари" арт галерейн танхимд: Уран бүтээлч Н.Алтанцэцэгийн “Шивнээ” бие даасан үзэсгэлэнгийн нээлт болно.
Улаанбаатар хотноо: "Ази, Номхон далайн бүсийн кибер аюулгүй байдал бүс нутгийн хуралдаан-2025” болж байна.
Улаанбаатар хотноо: Залуучуудын 16 хүртэлх насны сагсанбөмбөгийн Ази тивийн аварга шалгаруулах тэмцээн (2025 FIBA U16 Asia Cup) үргэлжилж байна.
"Чингис хаан" үндэсний музейд: Их шүтээн: Эзэн Чингис хаан тусгай үзэсгэлэн гарч байна.
"NM tower"-т: "Хүрээлэн буй Хязгааргүй” уран бүтээлийн үзэсгэлэнг дэлгээд байна.
"Алтан намар-2025” төмс, хүнсний ногооны өргөтгөсөн худалдааг нийслэлийн есөн дүүрэгт 11 дүгээр сарын 1 хүртэл зохион байгуулна.
Өнөөдөр Шинэ ургацын өдөр тохиож байна.
Өнөөдөр: "Олон улсын цэвэр агаарын өдөр" тохиож байна.
Баянхонгор аймагт: Монгол Улсын 2025 оны Шатрын аварга шалгаруулах эрэгтэйчүүдийн 63 дахь, эмэгтэйчүүдийн 55 дахь удаагийн тэмцээн есдүгээр сарын 3-15-нд болж байна.
Хэнтий аймгийн Жаргалтхаан суманд: Монгол Улсын төрийн дээд шагнал Чингис хаан одонт, Хөдөлмөрийн баатар, Төрийн шагналт, Урлагийн гавьяат зүтгэлтэн, нэрт хөгжмийн зохиолч Б.Шаравын нэрэмжит "Сэрсэн тал” дуу, хөгжмийн наадам есдүгээр сарын 5-7-нд болно.
Их Британийн Ливерпүүл хотод: боксын ДАШТ-нд манай улсаас эрэгтэй тав, эмэгтэй таван тамирчин хүч, ур чадвараа сорин өрсөлдөж байна.
Астана, Алматы хотноо: Монгол-Казахстаны бизнес уулзалт болж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!