.png){kind=logo}
Өнөөдөр буюу 2025 оны 9 дүгээр сарын 9-ний Мягмар /Өлзийт/ гарагт болох зарим үйл явдлыг тоймлон танилцуулж байна.
Монгол Улсын Ерөнхийлөгч У.Хүрэлсүхийн урилгаар Австралийн Холбооны Улсын Амбан захирагч Саманта Мостин есдүгээр сарын 4-9-нд Монгол Улсад төрийн айлчлал хийж байна.
10:00 цагт СТӨ-нд: Энэ өвөл нийслэлийн хэмжээнд түүхий нүүрсийг бүрэн хориглож, мидлинг, хагас коксон түлш хэрэглэнэ. Энэ талаар НЗД-ын орлогч А.Амартүвшин, нийслэлийн Агаар, орчны бохирдолтой тэмцэх газрын дарга Д.Мөнхбаатар нар мэдээлэл өгнө. Утас: 99127029
-12:00 цагт Хэвлэлийн хүрээлэнгийн Мэдээллийн төвд: "Хэвлэл мэдээллийн хараат бус байдал-Эрх зүйн зохицуулалт” хэлэлцүүлэг болно.
Г.Занабазарын нэрэмжит Дүрслэх урлагийн музейд: Уран бүтээлч Г.Логийразын “Шавраас дижитал хүртэл” үзэсгэлэн гарч байна.
"Б Контемпорари" арт галерейн танхимд: Уран бүтээлч Н.Алтанцэцэгийн “Шивнээ” үзэсгэлэнг дэлгэн сонирхуулж байна.
Монголын Урчуудын Эвлэлийн галерейд: Төрийн соёрхолт, Ардын зураач Ү.Ядамсүрэнгийн 120 жилийн ойг угтан “Урлахуйн өв” үзэсгэлэн гарч байна.
"NM tower"-т: "Хүрээлэн буй Хязгааргүй” уран бүтээлийн үзэсгэлэнг толилуулж байна.
"Алтан намар-2025” төмс хүнсний ногооны өргөтгөсөн худалдааг нийслэлийн есөн дүүрэгт 11 дүгээр сарын 1 хүртэл зохион байгуулна.
Баянхонгор аймагт: Монгол Улсын 2025 оны Шатрын аварга шалгаруулах эрэгтэйчүүдийн 63 дахь, эмэгтэйчүүдийн 55 дахь удаагийн тэмцээн есдүгээр сарын 3-15-нд болж байна.
Их Британийн Ливерпүүл хотноо: Сонирхогчдын боксын ДАШТ есдүгээр сарын 4-14-нд үргэлжилж байна. Монголын тамирчид оролцож байна.
БНСУ-ын Гванжу хотод болж буй байт харвааны насанд хүрэгчдийн ДАШТ-д манай улсаас үндэсний шигшээ багийн дасгалжуулагч Ж.Нарантуяа, Б.Ганзоригийн удирдлага дор эрэгтэйчүүдийн ангилалд Ж.Гантөгс, Б.Отгонболд, Д.Дашнамжил, эмэгтэйчүүдийн ангилалд Б.Урантунгалаг өрсөлдөж байна.
Ази, Номхон далайн орнуудын форум болж байна.
Зүүн Өмнөд Азийн орнуудын холбооны /АСЕАН/ уулзалт есдүгээр сарын 8-12-нд болж байна.
Өнөөдөр: НҮБ-ын Ерөнхий Ассамблейн 80 дугаар чуулган эхэлнэ.
Хятадын Ханжөү хотноо: Эмэгтэйчүүдийн хоккейн Азийн аварга шалгаруулах тэмцээн есдүгээр сарын 5-14-нд явагдаж байна.
