.png){kind=logo}
Өнөөдөр буюу 2025 оны 10 дугаар сарын 31-ний Баасан /Гэгээн/ гарагт болох зарим үйл явдлыг тоймлон танилцуулж байна.
09:00 цагт Улаанбаатар хотноо: Ази тивийн сурагчдын шатрын аварга шалгаруулах XIX тэмцээн үргэлжилж байна.
09:30 цагт НҮБ-ын байранд: "Эмэгтэйчүүд, энх тайван, аюулгүй байдлыг Монгол Улсад хэрэгжүүлэхэд Иргэний Нийгмийн байгууллагуудын чадавхыг бэхжүүлэх" хөтөлбөрийн хаалтын үйл ажиллагаа болно.
11:30 цагт "Зууны мэдээ" сонины Үндэсний мэдээллийн төвд: УИХ-ын гишүүдийг Үндсэн хуулийн цэц, ТЕГ-аар шалгуулах, УИХ-ыг тараах эсэх асуудлаар Ард нийтийн санал асуулга явуулах санаачилгын тухай Ард нийтийн сонсгол зохион байгуулах хөдөлгөөн, Ард нийтийн санал асуулга зохион байгуулах хөдөлгөөн мэдээлэл хийнэ.
12:00 цагт "Зууны мэдээ" сонины Үндэсний мэдээллийн төвд: Үндэсний жигүүрээс МАН-ыг тараах уриалгыг олон нийтэд хүргэх талаар мэдээлнэ.
13:00 цагт “Чингис хаан” үндэсний музейд: “Монгол орон ба цайны замын түүх” эрдэм шинжилгээний хэлэлцүүлэг болно.
14:00 цагт МУБИС-ийн номын санд: Хөдөлмөрийн баатар, Ардын уран зохиолч, Төрийн шагналт, Соёлын гавьяат зүтгэлтэн Л.Түдэвийн мэндэлсний 90 жилийн ойд зориулсан “Лодонгийн Түдэв-90” дурсамж уулзалт, хос номын нээлт болно.
Өнөөдөр: Нийт шүүгчийн хуралдаан болно.
Монгол бөхийн өргөөнд: Хан Хэнтий аймгаас төрөн гарсан аваргуудын нэрэмжит бөхийн барилдаан болно.
ЮНЕСКО-гийн IAC Олон улсын уран бүтээлчдийн гишүүн Н.Сүхбүрэний “Нэгэн цул” үзэсгэлэн гарч байна.
Монгол уяач спортын наадам болж байна.
Улсын хэмжээнд “Импортын хүнсний худалдаа-хяналт” аян 11 дүгээр сарын 1-нийг хүртэл үргэлжилнэ.
"Соёлын орон зай-Бидний орчин" аян 11 дүгээр сарын 3-ныг хүртэл улс орон даяар үргэлжилнэ.
-2025 оны Өвлийн элсэлтийн шалгалтын бүртгэл 11 дүгээр сарын 14-нд хаана.
Сэтгүүл зүйн бүтээлийн шүүмжийн уралдааны бүтээлийг 12 дугаар сарын 5-ныг хүртэл цахимаар хүлээн авна.
Өмнөговь аймагт: “Монголын нэг өдөр” нүүдлийн үзэсгэлэнг Говийн байгаль, түүхийн музейд толилуулж байна.
Баянзаг суманд: “Тэгри говь ресорт”-оос зохион байгуулж буй “Fam tour” болж байна.
Завхан аймагт: Завхан аймгийн 24 суманд “Соёлын орон зай-Бидний орчин” аян 11 дүгээр сарын 3-ныг хүртэл үргэлжилнэ. "Цастын гэгээн үдэш" яруу найраг, уран бүтээлийн цэнгүүн болно.
Дилов хутагт Б.Жамсранжавын амьдрал түүхэн замналыг бүжгийн урлагаар илэрхийлсэн "Мөнхөд гэрэлтэх диваажин" бүжгэн жүжгийн нээлт болно.
Ховд аймагт: Түүх, соёлын хөдлөх дурсгалт зүйлийн улсын тооллого 11 дүгээр сарын 20-ныг хүртэл үргэлжилнэ.
БНСУ-ын Сөүл хотноо: “Coex food week-2025” Солонгосын хүнсний салбарын хамгийн том үзэсгэлэн гарна.
БНХАУ-ын Шаньси мужийн Янлинд (Yangling): 32 дахь удаагийн “БНХАУ-ын Янлинийн хөдөө аж ахуйн шинжлэх ухаан, дэвшилтэт технологийн экспо” энэ сарын 29 хүртэл үргэлжилнэ.
Бахрейн улсын Манама хотод: "Бахрейн-2025" Азийн залуучуудын наадам энэ сарын 31 хүртэл үргэлжилнэ.
Португал улсын Ерисейра хотын Жейми Лобо ба Силвагийн нэрэмжит Соёлын төвд: зураач Г.Наранцацралын “Хувирал” үзэсгэлэн 11 дүгээр сарын 16-ныг хүртэл гарна.
Швейцарын Цюрих хотын Ритберг музейд: “Монгол орон: Цаг хугацааны аялал буюу Mongolia-A Journey Through Time” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.
БНСУ-ын Сөүл хотноо: НҮБ-ын Хөгжлийн хөтөлбөр, Эдийн засгийн хамтын ажиллагаа, хөгжлийн байгууллага болон БНСУ-ын Дотоод хэрэг, аюулгүй байдлын яам хамтран “Хиймэл оюуны засаглал” олон улсын форумыг зохион байгуулж байна.
