.png){kind=logo}
Өнөөдөр буюу 2026 оны 1 дүгээр сарын 15-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
08:00 цагт “Туушин” зочид буудалд: “Үндсэн хууль ба хөгжил, дэвшил” сэдэвт “Өглөөний цай” уулзалт болно.
10:00 цагт ХЗДХЯ-ны хурлын танхимд: Нийтийн зориулалттай орон сууцны байшингийн дундын өмчлөлийн эд хөрөнгийн менежментийн тухай хуулийн төслийн хэлэлцүүлэг болно.
10:00 цагт Төрийн ордонд: Ерөнхий сайд Г.Занданшатар нийслэлийн болон 21 аймгийн Засаг дарга, ИТХ-ын дарга нартай уулзана.
11:00 цагт Уран зургийн галерейд: МОНЦАМЭ агентлагийн "Хүмүүн бичиг" сониноос зохион байгуулдаг "Монголын сайхан бичигтэн-2025" олон улсын уралдааны шагнал гардуулах ёслол болно.
11:00 цагт Төрийн ордны 3 давхарт: Ардчилсан намаас “4/11” хэвлэлийн хурлыг зохион байгуулна.
11:00 цагт “Монгол ньюс” мэдээллийн төвд: 1200 тэмээгээр жин тээж 2700 км замыг туулж, 540 тонн тусламжийн бараа хүргэсэн түүхэн замналыг судлан, сурталчлах зорилготой “Үнэнч мөнх андууд” ТББ хэрэгжүүлсэн төслийнхөө үр дүнгийн талаар мэдээлэл хийнэ.
11:40 цагт “Чингис хаан” үндэсний музейн 7 давхрын хурлын танхимд: МУСГЗ, соён гэгээрүүлэгч, яруу найрагч Л.Нямаагийн “Бүтээлийн чуулган-I, II” ботийн нээлтийн ёслол болно.
12:30 цагт СТӨ-нд: Нийслэлийн иргэд автобусаар зорчиж, алхаж, скүүтер дугуй унахдаа ногоон оноо цуглуулж, түүгээрээ тогны мөнгө, түлшний хөнгөлөлт эдэлдэг болох, үе тэнгийн дээрэлхэлтээс урьдчилан сэргийлэх, сурагчдаас хеликобактерийн шинжилгээ авах зэрэг ажлуудын талаар НЗД-ын орлогч А.Амартүвшин мэдээлэл өгнө.
18:00 цагт Corporate Convention Center-т: “Шар гэгээ” УСК-ны 2-р анги болох “Задлаагүй захиа” УСК-ны нээлт болно.
ҮНС-гийн шинэ салбарын байранд: Зохиолч Ц.Түмэнбаярын “Мөнх тэнгэрийн хөх илд” роман, “Монголын зохиолчид” гэрэл зургийн үзэсгэлэнгийн нээлт болно.
2026 оны цэргийн бүртгэл Е-Mongolia системээр орон даяар нэгдүгээр сарын 23-ныг хүртэл үргэлжилнэ.
-"Хүнсний зориулалттай дахин боловсруулсан PET хуванцар савлагааг хэрэглээнд нэвтрүүлэх тухай" сэдэвт уралдааны бүтээлийг 2026 оны хоёрдугаар сарын 2-ныг хүртэл хүлээн авна.
Төв цэнгэлдэх хүрээлэнд: “Мөрөөдлийн мөсөн цэнгэлдэх-2025” 2026 оны гуравдугаар сарын 10-ныг хүртэл үргэлжилнэ.
Монголын үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИННУТАГ сэдэвт видео контентын уралдааныг орон нутгийн хэвлэл мэдээллийн байгууллага, уран бүтээлчид, сонирхогчдын дунд зарлаж байна. Бүтээлийг 2026 оны гуравдугаар сарын 1-нийг хүртэл хүлээн авна.
Уран зургийн галерейд: МОНЦАМЭ агентлагийн "Хүмүүн бичиг" сониноос зохион байгуулдаг "Монголын сайхан бичигтэн-2025" олон улсын уралдаанд шалгарсан шилдэг бүтээлийн үзэсгэлэн нэгдүгээр сарын 18-ныг хүртэл гарна.
"Чингис хаан" үндэсний музейд: “Анагаагч эх дэлхий” үзэсгэлэн нэгдүгээр сарын 18-ныг хүртэл гарна.
Монголын театрын музейд: “2026 өвлийн үзэсгэлэн” нэгдүгээр сарын 23-ныг хүртэл гарна.
Монголын үндэсний музейд: “Монголчуудын уламжлалт хувцас, гоёл чимэглэл” үзэсгэлэнхоёрдугаар сарын 2-ныг хүртэл гарна.
Завхан аймагт: Тус аймгийн 24 суманд соёлын өвийг таниулах аян хоёрдугаар сарын 10-ныг хүртэл үргэлжилнэ.
БНСУ-ын Гванжу хотын "Eunam Museum of Art" галерейд: Монгол, Солонгос орны уран бүтээлчдийн "Horse of Fire, Horse of Start" үзэсгэлэн нэгдүгээр сарын 22-ныг хүртэл гарна.
Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн хоёрдугаар сарын 26-ныг хүртэл гарна.
-
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!