.png){kind=logo}
Өнөөдөр буюу 2023 оны дөрөвдүгээр сарын 20-ны Пүрэв /Бадрангуй/ гарагт болох үйл явдлын зарим мэдээллийг тоймлон та бүхэнд хүргэж байна.
08.30 цагт Блю Скай зочид буудал: Улс төрийн намын тухай хуулийн шинэчлэл өөрчлөлтийн чухал зүйл заалтын тухай хэлэлцэх "Намуудын амлалт & Эрх зүйн шинэчлэл" сэдэвт өглөөний уулзалт болно. Утас: 99074459 /Топаз танхимд/
09.00 цагт Кемпински зочид буудал: "Сурагчдын сурч хөгжих үйл явцыг эрхэд суурилсан хандлагаар дэмжих нь" сэдэвт сургагч багш бэлтгэх сургалт үргэлжилнэ.
09.00 цагт Чингис хаан үндэсний музей: Монгол Улсын Ерөнхийлөгчийн ивээл дор зохион байгуулж буй “Монголчуудын соёлын өв: Гар бичмэл ба архивын баримтын цуглуулга” сэдэвт зургаа дахь удаагийн олон улсын эрдэм шинжилгээний хурал үргэлжлэн зохион байгуулагдана.
09.00-17.30 цагт: Яармаг дахь нийслэлийн Захиргааны байранд: “Шинэ сэргэлт-Улаанбаатар эдийн засаг, хамтын ажллагаа-2023” олон улсын хөрөнгө оруулалт, түншлэлийн чуулган болно. Энэ үеэр “үеэр “City of Nomads” платформыг нээнэ.
09.00 цагт Д.Сүхбаатарын талбайд: Монголын боловсрол шинжлэх ухааны үйлдвэрчний эвлэлийн холбооноос боловсролын салбарын ажилтнуудын цалин хөлсийг Хамтын хэлэлцээрт заасны дагуу 30-50 хувь нэмэгдүүлэх тухай асуудлаар зохион байгуулж буй цуглаан үргэлжилнэ. Утас: 95022859, 99149240.
09.30 цагт: АН-аас Л.Гантөмөр болон намын нийт бүрэлдэхүүн төр, нийгмийн нэрт зүтгэлтэн С.Зориг агсны хөшөөнд цэцэг өргөж хүндэтгэл үзүүлэх ёслолын ажиллагаа болно.
10.00 цагт Төрийн ордонд: Монгол Улсын Их Хурлын 2023 оны Хаврын чуулганы нэгдсэн хуралдаан болно.
10.00 цагт Туушин зочид буудалд: "Уур амьсгалын эрсдэлтэй нөхцөлд амьдрахуй: Өвлийн эрс тэс үзэгдлийн нөлөөлөл, хөдөөгийн айл өрхүүдийн дасан зохицох чадавхын талаарх шинжлэх ухаан суурилсан үр дүн" сэдэвт хурал болно. /Соёмбо танхимд/
11.00 цагт Б.Явуухулангийн нэрэмжит Цэцэрлэгт хүрээлэнд: Монголын Тогтвортой Хөгжлийн Гүүр ТББ-аас Европын холбооны төслийн дэмжлэгээр БОАЖЯ, Чингэлтэй дүүргийн тамгын газартай хамтран “Хогны хувьсгал-2023” олон нийтэд зориулсан экспог зохион байгуулна.
11.30 цагт "Шонхор тауэрт": Ардчилсан намын удирдлагууд хамтын ажиллагаа, ойлголцлын уулзалт, мэдэгдэл хийнэ.
11.30 цагт: С.Зориг агсны нэрэмжит шатрын нээлттэй тэмцээний талаар Монголын Шатрын холбоо, МоАХ-ноос мэдээлнэ.
