.png){kind=logo}
Өнөөдөр буюу 2023 оны тавдугаар сарын 05-ны Баасан /Гэгээн/ гарагт болох үйл явдлын зарим мэдээллийг тоймлон та бүхэнд хүргэж байна.
09.00 цагт Холлидэй Инн зочид буудалд: Олон улсын эх баригчдын өдрийг тохиолдуулан ЭМЯ-наас санаачлан зохион байгуулах “Эх баригч мэргэжлийн үнэ цэнэ, бие даасан байдал, манлайлал” зөвлөлдөх уулзалт болно. Утас:89119482, 99167777, 91915340
09.00 цагт БШУЯ-ны 401 тоотод: Ерөнхий боловсролын сургуулийн "Хоол Зүйч" мэргэжлээр хөрвөн суралцаж байгаа суралцагчдад Батламж гардуулах үйл ажиллагаа болно.
09.00 цагт Хэвлэлийн хүрээлэнгийн Мэдээллийн төвд: Сэтгүүлч, судлаач, иргэний нийгмийн төлөөллийг Монголын олон нийтийн болон мэдээллийн орон зай дахь БНХАУ-ын нөлөөллийг тодруулах, мэдээллийн ил тод байдлыг нэмэгдүүлэх зорилго бүхий олон талт судалгааны үр дүнг танилцуулж, хэлэлцэх уулзалт болно. утас: 95758040
10.00 цагт Төрийн ордонд: Монгол Улсын Их Хурлын 2023 оны Хаврын чуулганы нэгдсэн хуралдаан болно.
11.00 цагт МУБИС-ийн төв байр: ТТУО-ийг зохион байгуулах хороо, МУБИС-ийн Дүрслэх урлаг, технологийн сургууль хамтран 24 дэх жилдээ зохион байгуулж байгаа Техник технологийн улсын олимпиадын нээлт болно.
Богд хаааны ордон музейд: Олон нийт, хүүхэд залуучуудад монгол бичгийн өв соёлоо таниулах, өвлүүлэн уламжлуулах зорилгоор “Үндэсний бичиг, соёлын уламжлал” сэдэвчилсэн үзэсгэлэн нээлтээ хийнэ.
