.png){kind=logo}
3*3 Азийн бүсийн аварга 2023 оны шалгаруулах тэмцээн Индонезийн нийслэл Жакарта хотноо 5 дугаар сарын 05-13-нд үргэлжилж байгаа бөгөөд Ази тивийн 17 орны 58 тамирчин Жакарта хотод өрсөлдөхөөр хуран чуулжээ.
Монгол улсаас үндэсний шигшээ багийн дасгалжуулагч FM С.Ган-Од ахлагчтай GM Д.Батсүрэн, GM Ц.Батчулуун, GM С.Билгүүн, IM С.Ган-Эрдэнэ, WGM Т.Мөнхзул, FM М.Амилал, WGM Б.Мөнгөнтуул, WGM А.Энхтуул, Э.Маргадгуа нарын шатарчид эх орноо төлөөлж тус тэмцээнд өрсөлдөж байна.
Тэмцээний нээлттэй ангиллыг 7 өргийн дараа Үндэсний шигшээ багийн тамирчин Их мастер С.Билгүүн 6.0 оноотой тэргүүлж байгаа бол Үндэсний шигшээ багийн тамирчин Их мастер Ц.Батчулуун 4.5 онотой 5 дугаар байрт бичигдэж байна.
Эмэгтэй ангилалд Үндэсний шигшээ багийн тамирчин Эмэгтэй их мастер Б.Мөнгөнтуул 4.5 оноотой 5 дугаар байрт бичигдэж явна. Тэмцээн үргэлжилж байна.
