.png){kind=logo}
Японы мэргэжлийн сумо бөхийн Токио хотноо үргэлжилж байгаа тавдугаар сарын Зуны башёгийн 4 дэх өдрийн /2023.05.17/ барилдааны тоймыг та бүхэнд танилцуулж байна.
Их аварга Тэрүнофүжи Г.Ган-Эрдэнэ, энэ өдөр Ура /М-4/-тай хүч үзэж түүнийг кимэдаши мэхээр хаяснаар 5 даваатай боллоо.
Миторюү М.Төрболд /М-16/ энэ өдөр Кагаяаки /М-17/-тэй барилдаж түүнийг цүкиотоши мэхээр давж 4 даваа, 1 унаатай болов.
Чиёошома Г.Мөнхсайхан /М-13/, Дайшохо /М-11/-тай учраа таарч түүнийг ёрикири мэхээр давснаар 3 унаа, 2 даваатай башёг үргэлжлүүлж байна.
Дээд зиндаанд дэвшин барилдаж байгаа Хокүсейхо Э.Даваанинж /М-11/, өнөөдөр Хирадоүми /М-9/-тэй учраа таарч түүнийг ошидаши мэхээр давснаар 4 даваа, 1 унаатай болоод байна.
Мэргэжлийн сумо бөхийн тэмцээний 3 дахь өдөр Тамаваши Б.Мөнх-Оргил /М-7/, Оношо /М-9/-тэй барилдаж, түүнд ошидаши мэхээр унаснаар ганц даваа, 4 унаатай боллоо.
Сэкиваке Хошёорюү С.Бямбасүрэн, Комүсүби Шодайтай учраа таарч барилдан түүнийг уватэнаге мэхээр хаяснаар 1 унаа, 4 даваатай явна.
Энэ өдөр Сэкиваке Кирибаяама Б.Лхагвасүрэн, Комүсүби Котоновака-тай таарч барилдан түүнийг сүкүинаге мэхээр хаяж 4 даваа, 1 унаатай башёг үргэлжлүүлж байна.
