.png){kind=logo}
Японы мэргэжлийн сумо бөхийн Токио хотноо үргэлжилж байгаа тавдугаар сарын Зуны башёгийн 8 дахь өдрийн /2023.05.19/ барилдааны тоймыг та бүхэнд танилцуулж байна.
Их аварга Тэрүнофүжи Г.Ган-Эрдэнэ, энэ өдөр Котошохо /М-5/-той хүч үзэж түүнийг ошидаши мэхээр хаяснаар 8 даваатай болж, энэ башёг ганцаараа тэргүүлж эхэллээ.
Харин энэ өдөр Мэйсей /М-6/, Асанояама /М-14/ нар өрсөлдөгч бөхдөө унаснаар 7 даваа, 1 унаатай Их аваргын араас нэхэж явна.
Энэ өдөр Сэкиваке Кирибаяама Б.Лхагвасүрэн, Ура /М-4/-тай таарч барилдан түүнийг ошитаоши мэхээр хаяснаар 6 даваа, 2 унаатай башёг үргэлжлүүлж байна.
Мөн Сэкиваке Хошёорюү С.Бямбасүрэн, Комүсүби Котоновака-тай учраа таарч барилдан өрсөлдөгчөө какенаге мэхээр хаяж 6 даваа 2 унаатай боллоо.
Мэргэжлийн сумогийн Макүүчи зиндааны 8 дахь өдрийн барилдаанд Тамаваши Б.Мөнх-Оргил /М-7/, Рюүдэн /М-10/-тэй барилдаж, түүнийг ошидаши мэхээр давснаар 3 даваа, 5 унаатай болоод байна.
Чиёошома Г.Мөнхсайхан /М-13/ 8 дахь өдрийн барилдаанд Цүрүгишо /М-15/-той таарч барилдан түүнд хатакикоми мэхээр ойчиж 4 даваа, 4 унаатай болов.
Миторюү М.Төрболд /М-16/, энэ өдөр Мёогирюү /М-14/-тэй барилдаж түүнд ошидаши мэхээр унаснаар 4 даваа, 4 унаатай башёг үргэлжлүүлж байна.
Дайшохо Ч.Шижирбаяр/М-11/ энэ өдөр Кагаяаки /М-17/-тай учраа таарч түүнд цүкиотоши мэхээр унаснаар 6 унаа, 2 даваатай башёг үргэлжлүүлж байна.
Харин дээд зиндаанд 2 дахь башёдаа дэвшин барилдаж байгаа Хокүсейхо Э.Даваанинж /М-11/, энэ өдөр башёг тэргүүлэгчдийн нэг Асанояама /М-14/-тай учраа таарч түүнийг шитатэнаге мэхээр давснаар 5 даваа, 2 унаатай башёг үргэлжлүүлж явна.
