.png){kind=logo}
Японы мэргэжлийн сумо бөхийн Токио хотноо үргэлжилж байгаа тавдугаар сарын Зуны башёгийн 9 дэх өдрийн /2023.05.22/ барилдааны тоймыг та бүхэнд танилцуулж байна.
Их аварга Тэрүнофүжи Г.Ган-Эрдэнэ, энэ өдөр Мэйсей /М-6/-той хүч үзэж түүнд ёрикири мэхээр унаснаар тэд адилхан 8 даваа, 1 унаатай болж, тэд хамтдаа энэ башёг тэргүүлж эхэллээ.
Энэ өдөр Сэкиваке Кирибаяама Б.Лхагвасүрэн, Сэкиваке Дайэйшёо-той таарч барилдан түүнийг цүкиотоши мэхээр хаяснаар 7 даваа, 2 унаатай башёг үргэлжлүүлж байна.
Мөн Сэкиваке Хошёорюү С.Бямбасүрэн, Сэкиваке Вакамотохару-тай учраа таарч барилдан өрсөлдөгчдөө кирикаеши мэхээр унаж 6 даваа 3 унаатай боллоо.
Тамаваши Б.Мөнх-Оргил /М-7/ 9 дэх өдрийн барилдаанд Чиёошома Г.Мөнхсайхан /М-13/-тай таарч барилдан, түүнд сотогаке мэхээр унаснаар 3 даваа, 6 унаатай байгаа бол Чиёошома 5 даваа, 4 унаатай байна.
Миторюү М.Төрболд /М-16/, энэ өдөр Котоеко /М-12/-той барилдаж түүнд ошитаоши мэхээр унаснаар 4 даваа, 5 унаатай башёг үргэлжлүүлж байна.
Дайшохо Ч.Шижирбаяр /М-11/ энэ өдөр Ичияамамото /М-15/-той учраа таарч түүнийг ёрикири мэхээр давснаар 6 унаа, 3 даваатай башёг үргэлжлүүлж байна.
Харин дээд зиндаанд 2 дахь башёдаа дэвшин барилдаж байгаа Хокүсейхо Э.Даваанинж /М-11/, Оношо /М-9/-той учраа таарч түүнийг ёрикири мэхээр давснаар 7 даваа, 2 унаатай башёг амжилттай үргэлжлүүлж явна.
