.png){kind=logo}
МХБХ-ны “Футзалын Дээд Лиг”-ийн тэмцээн 2022 оны 10 дугаар сарын 01-нээс 2023 оны 6 дугаар сарын 04-ны өдөр хүртэл нийт 9 клуб 18 тойрог өрсөлдөж 72 тоглолтуудыг МХБХ-ны Футзалын Ордонд амжилттай зохион байгуулж өндөрлөлөө.
Тэмцээниий хаалтын үйл ажиллагаанд МХБХ-ны Ерөнхий нарийн бичгийн дарга Д.Тэрбаатар, Анхны шигшээ багийн тамирчин ОУХМ Б.Доржпалам, ТЗБХ-ийн дарга С.Жаргал нар оролцлоо.
Хаалтын ажиллагааны үеэр Унаганууд клубийн Э.Ууганбаяр, Я.Алтансүх нар Спортын мастер мөн Б.Энхбилэг Спортын дэд мастер цол тэмдгээр шагнагдсан юм.
МХБХ-ны “Футзалын Дээд Лиг”-ийн тэмцээний тоглолтуудын амжилттай шууд дамжуулсан MNC телевизийн хамт олонд талархсанаа илэрхийлье.
Шилдгүүдэд шагналыг гардуулахад шилдэг шүүгчээр МХБХ-ны “A” ангиллын шүүгч Б.Логьшир тодорч, шилдэг хаалгачаар Унаганууд клубийн Б.Нармандах, мэргэн буучаар 56 гоол оруулсан Унаганууд клубийн Э.Пүрэвдорж, шилдэг тоглогчоор Арвис клубийн О.Есүхэй нар шилдгүүдээр тодорсон юм.
МХБХ-ны "Футзалын Дээд Лиг"-ийн тэмцээний 4-өөс 9 дүгээр байрт орсон клубүүдэд шагналыг гардуулан өглөө.
Хүрэл медалийн эздээр тун ширүүн өрсөлдөөнтэй тоглолтуудыг үзүүлсэн С.Пүрэвсүх дасгалжуулагчтай “Солонго 5” клуб хүртэж, Л.Банзрагч дасгалжуулагчтай “Арвис” клуб гурван жил дараалан мөнгөн медалийн эзэд болсон бол аваргын алтан медаль цомын эздээр 2014, 2015, 2016, 2017, 2018, 2019, 2020, 2022 онуудын МХБХ-ны "Футзалын Дээд Лиг"-ийн аваргууд болох “Унаганууд” клуб түрүүлснээр 9 дэх удаагаа дараалан аваргын цомоо өргөлөө.
Нийт тэмцээнд оролцсон баг тамирчдадаа спортын өндөр амжилтыг хүсье.
