.png){kind=logo}
Өнөөдөр буюу 2023 оны 6 дугаар сарын 13-ны Мягмар /Өлзийт/ гарагт болох зарим үйл явдлыг тоймлон хүргэж байна.
08.30 цагт Удирдлагын академид: “Олон нийтийн гамшгийн эрсдлийг буруулахад чиглэсэн мэдээллээр хангах, гамшгийн үед сэтгүүлчид хэрхэн ажиллах” сэдэвт Үндэсний сургалт, семинарыг мэдээллийн МОНЦАМЭ агентлаг зохион байгуулж байна.
09.00 цагт “Шангри-Ла” зочид буудалд: “Тогтвортой санхүүжилтийн долоо хоног-2023” эхэлж байна. Эхний үйл ажиллагаа болох Дэлхийн банкны бүлгийн гишүүн Тогтвортой банк, санхүүгийн байгууллагуудын холбоо (SBFN), Хүлэмжийн хийн тооцоолол, санхүүгийн бүртгэлийн түншлэл (PCAF), “Голомт” банктай хамтарсан “Уур амьсгалын эрсдлийн удирдлага, Тогтвортой санхүүгийн замын зураг боловсруулах” сургалт болно.
09.30 цагт Төрийн ордонд: “Алтай дамнасан тогтвортой байдлын яриа хэлэлцээ-Жендэрийн эрх тэгш байдал ба тогтвортой хөгжил” олон улсын чуулга уулзалт болно. НҮБ-ын ерөнхий нарийн бигчийн дарга асан Бан Ги Мун оролцож байна.
10.00 цагт Төрийн ордонд: УИХ-ын Ажлын хэсэг, байнгын болон түр хороод хуралдана.
10:00 цагт МҮЭХ-ны төв байр-Эликсир Кофешоп-д: Эмэгтэйчүүдийн манлайллын сүлжээний гишүүдээс “Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төсөл”-д тусгах гол саналаа илэрхийлэх зорилгоор “Тэгш төлөөлөл” захидлын аяныг өрнүүлж байгаа талаар мэдээлнэ.
11.00 цагт НОБГ-т: Нийслэлийн хэмжээнд үер ус, гол, усны ослын нөхцөл байдал, урьдчилан сэргийлэх арга хэмжээний талаар мэдээлнэ. Утас: 9910-7367.
11.30 цагт “Зууны мэдээ” сонины мэдээллийн төвд: “Хилийн чанад дахь Монголчуудын зөвлөл” ТББ, “Цахим Өртөө” холбоо, Гадаадад төгсөгчдийн нэгдсэн зөвлөл хамтран гадаадад суугаа 200,000 гаруй иргэдийг төлөөлөх УИХ-ын гишүүнтэй болохыг шаардсан "#БидТөлөөлүүлэхЭрхтэй" аяныг зарлана.
